ڈاکٹر بابراعوان نے نادرا کے چیئر مین کو ہٹانے کا مطالبہ کردیا

آئی بی میں کسی کی ایماء پر خفیہ الیکشن سیل بنا دیا گیا ہے ، نگران وزیراعظم کو خط لکھ رہے ہیں،صحافیوں سے گفتگو

پیر 11 جون 2018 22:22

اسلام آباد (اُردو پوائنٹ اخبار آن لائن۔ پیر 11 جون 2018ء) پاکستان تحریک انصاف کے سینیئر نائب صدر ڈاکٹر بابراعوان نے نادرا کے چیئر مین کو ہٹانے کا مطالبہ کرنے کے ساتھ ساتھ کہا ہے کہ آئی بی میں کسی کی ایماء پر خفیہ الیکشن سیل بنا دیا گیا ہے جس کے خلاف نگران وزیراعظم کو خط لکھ رہے ہیں وہ پی ٹی آئی کے مرکزی سیکرٹریت کی طرف سے دی گئی افطار پارٹی میں صحافیوںسے گفتگو کررہے تھے انہوں نے کہا ہے کہ مجھے سعودی عرب سے پی ٹی آئی کے چیئر مین عمران خان نے آئی بی میں خفیہ الیکشن سیل اور نادار کے چیئر مین کے خلاف آوازاٹھانے اور نگران وزیراعظم کو خط لکھنے کی ہدایت کی ہے انہوں نے کہا ہے کہ چیئر مین نے فوری ڈیٹا غیروں کو فراہم کیا انہوں نے کہا ہے کہ 25 جولائی کے بعد ملک میں پی ٹی آئی کی حکومت ہو گی اور دو پاکستان کی جگہ ایک پاکستان ہو گا جس میں سے سب کے لئے ایک قانون ہو گا۔

(جاری ہے)

ملزمان کو وی آئی پی نہیں بلکہ ان سے قانون کے مطا بق برتاؤ ہوگا ناایل وزیراعظم جنہوں نے پہلے اپنے دو بیٹوں اور سمدھی کوملک سے فرار کرایا اب خود فرار ہونے کے منصوبے بنا رہے ہیں لیکن وہ عدالت کو یہ بتائے میں ناکام ہو گئے ہیں جس کا انہوں نے قومی اسمبلی میں کھڑے ہو کر دعویٰ کیا تھا کہ وسائل کی بھی اور مسائل کے ذرائع کی بھی ساری تفصیلات موجود ہیں ایک سوال کے جواب میں ا نہوںنے کہا ہے کہ ٹکٹ کے مسائل صرف دس فیصد حلقوں میں ہیں پارٹی کے ان امیدواروں سے بھی فرداً فرداً مل کر ان کا نقطہ نظرسنا جائے گا اور انہیں مطمئن کیا جائے گا یا فیصلہ تبدیل کیا جائے گا انہوں نے کہا ہے کہ اقتدار ملنے کے بعد پاکستان کو اس عالمی تنہائی سے نکالیں گے جس کا وہ شکار ہے۔

عام اشیاء سستی کریں گے اور لوگوں کو انصاف ملے گا۔ ۔۔ناصر اسلم راجہ