پشاور سے کالعدم ٹی ٹی پی کا انتہائی مطلوب کمانڈر گرفتار

مولوی بہادر جان کا نام وزارت داخلہ نے اسٹاپ لسٹ میں ڈال رکھا تھا

پیر 18 جون 2018 13:10

پشاور(اُردو پوائنٹ اخبار آن لائن۔ پیر 18 جون 2018ء) فیڈرل انویسٹی گیشن ایجنسی (ایف آئی ای) نے باچا خان انٹرنیشنل ایئرپورٹ پر کارروائی کرتے ہوئے کالعدم تحریک طالبان پاکستان کے انہتائی مطلوب کمانڈر مولوی بہادر جان کو گرفتار کرلیا۔

(جاری ہے)

ذرائع ایف آئی اے امیگریشن کے مطابق ٹی ٹی پی کمانڈر مولوی بہادر جان باچا خان انٹرنیشنل ایئرپورٹ سے نجی پرواز کے ذریعے دبئی جانا چاہتا تھا۔

ذرائع کے مطابق مولوی بہادر جان نے اپنا حلیہ بدل رکھا تھا اور اسے کاغذات کی جانچ پڑتال کے دوران گرفتار کیا گیا۔ایف آئی اے امیگریشن حکام کے مطابق وزارت داخلہ نے کالعدم ٹی ٹی پی کمانڈر مولوی بہادر جان کا نام اسٹاپ لسٹ میں ڈال رکھا تھا۔خیال رہے کہ چند روز قبل ہی کالعدم ٹی ٹی پی کا سربراہ ملا فضل اللہ بھی افغانستان کے صوبے کنڑ میں امریکی ڈرون حملے میں مارا جاچکا ہے۔