بند کریں
صحت صحت کی خبریںحکومت کسانوں سے سوتیلی ماں کا سلوک بند کرے،شوگر ملزکسانوں کو گنے کا معاوضہ کی ادائیگی کو ..

صحت خبریں

وقت اشاعت: 14/03/2013 - 14:42:13 وقت اشاعت: 14/03/2013 - 13:04:31 وقت اشاعت: 13/03/2013 - 20:08:58 وقت اشاعت: 13/03/2013 - 19:57:02 وقت اشاعت: 13/03/2013 - 17:06:20 وقت اشاعت: 13/03/2013 - 17:02:42 وقت اشاعت: 13/03/2013 - 14:29:39 وقت اشاعت: 13/03/2013 - 13:10:35 وقت اشاعت: 12/03/2013 - 23:20:00 وقت اشاعت: 12/03/2013 - 23:20:00 وقت اشاعت: 12/03/2013 - 20:46:07

حکومت کسانوں سے سوتیلی ماں کا سلوک بند کرے،شوگر ملزکسانوں کو گنے کا معاوضہ کی ادائیگی کو یقینی بنائیں،وفاقی اور صوبائی حکومت نے کسانوں کی فلاح و بہبود کے لئے کچھ بھی نہیں کیا چھوٹے کاشت کار زرعی ادویات،کھاد،بیج کے ریٹ میں اضافہ سے بدحال زندگی گزار رہے ہیں،کوئٹہ میں الیکشن کمشنر ضیاء اللہ کا قتل انتہائی قابل مذمت ہے، امیر جماعت اسلامی پنجاب ڈاکٹر سید وسیم اختر کی کسانوں کے وفد سے ملاقات کے دوران بات چیت

لاہور(اُردو پوائنٹ تازہ ترین اخبار۔آئی این پی۔ 13مارچ 2013ء)امیر جماعت اسلامی پنجاب ڈاکٹر سید وسیم اخترنے کہا ہے کہ حکومت کسانوں سے سوتیلی ماں کا سلوک بند کرے،شوگر ملزکسانوں کو گنے کا معاوضہ کی ادائیگی کو یقینی بنائیں،وفاقی اور صوبائی حکومت نے کسانوں کی فلاح و بہبود کے لئے کچھ بھی نہیں کیا چھوٹے کاشت کار زرعی ادویات،کھاد،بیج کے ریٹ میں اضافہ سے بدحال زندگی گزار رہے ہیں رہی سہی کسرلوڈ شیڈنگ نے پوری کردی ہے،شوگر ملز کے باہر گنے سے لدی ٹرالیوں کی لمبی قطاریں انتظامیہ کی بے حسی کو ظاہر کرتی ہیں اور گنے کے معاوضہ کی ادائیگی میں تاخیر ی حربے استعمال کررہی ہیں، کسانوں کو گنے کی ادائیگی فوری کردی جائے۔

وہ بدھ کو کسانوں کے وفد سے بات چیت کر رہے تھے ۔انہوں نے حکومت سے مطالبہ کیا کہ کاشت کاروں کو کپاس کا تصدیق شدہ بیج فراہم کیا جائے اور حکومت ششماہی انہار کو بند نہ کرے، نہروں کی بندش سے کسانوں کی پریشانی میں مزید اضافہ ہوگا۔ بجلی کی لوڈ شیڈنگ سے ٹیوب ویل بند پڑے ہیں اور ڈیزل کی گرانی کی وجہ سے چھوٹے کسان کی قوت خرید سے باہر ہے۔ حکومت کسانوں کو ریلیف دینے کے لئے ٹھوس منصوبہ بندی کرے۔

انہوں نے کہاکہ کوئٹہ میں الیکشن کمشنر ضیاء اللہ کا قتل افسوسناک اور قابل مذمت ہے کوئٹہ کے حالات گورنر راج بھی قابو نہ کرسکا پانچ سالہ دور زرداری میں کرپشن ،لوٹ مار ، اغوا برائے تاوان ،دہشت گردی اور جلاؤ گھیراؤ میں اضافہ ہوا ہے لوگ عدم تحفظ کا شکار ہیں اس صورتحال میں زرداری حکومت اپنے دور اقتدار کو کس طرح کامیاب دور قرار دے سکتی ہے ۔

دنیا میں ناکام ترین اور کرپٹ حکومت کوئی ہے تو وہ زرداری حکومت ہے انہوں نے مزید کہا کہ کوئٹہ میں ضلعی الیکشن کمشنر کا قتل ایسے حالات کو پیدا کرنا ہے کہ الیکشن ملتوی ہوجائیں اور زرداری حکومت کی مدت میعاد میں توسیع ہوجائے۔ الیکشن بروقت اور یقینی بنانے کے لئے تمام ٹھوس اقدامات اور منصوبہ بندی کی جائے اور تمام پارٹیوں سے مشاور ت بھی کر لی جائے جماعت اسلامی الیکشن کا التوا کسی حالت میں قبول نہیں کریگی۔
13/03/2013 - 17:02:42 :وقت اشاعت