بند کریں
صحت صحت کی خبریںاے این پی نے گذشتہ انتخابات میں اپنے منشور پر 100فیصد عمل کرکے پختون قوم کو ترقی دی، آئندہ انتخابات ..

صحت خبریں

وقت اشاعت: 10/04/2013 - 17:05:18 وقت اشاعت: 10/04/2013 - 14:47:49 وقت اشاعت: 09/04/2013 - 23:38:30 وقت اشاعت: 09/04/2013 - 22:50:04 وقت اشاعت: 09/04/2013 - 22:48:47 وقت اشاعت: 09/04/2013 - 22:46:14 وقت اشاعت: 09/04/2013 - 17:10:01 وقت اشاعت: 09/04/2013 - 16:50:04 وقت اشاعت: 09/04/2013 - 13:25:46 وقت اشاعت: 08/04/2013 - 22:55:32 وقت اشاعت: 08/04/2013 - 22:48:07

اے این پی نے گذشتہ انتخابات میں اپنے منشور پر 100فیصد عمل کرکے پختون قوم کو ترقی دی، آئندہ انتخابات میں بھاری اکثریت سے کامیاب ہونگے ، اقتدار میں آکر 2سال کے اندر بجلی کی لوڈشیڈنگ ختم کردینگے ، تعلیم  صحت  امن کی بحالی  غربت کے خاتمے کیلئے تمام وسائل بروئے کار لائیں گے ،قوم کو خوشحال پاکستان دیں گے،عوامی نیشنل پارٹی کے مرکزی رہنما سینیٹر الیاس احمد بلور کامختلف اجتماعات سے خطاب

پشاور(اُردو پوائنٹ اخبار تازہ ترین۔آئی این پی۔9اپریل۔2013ء)عوامی نیشنل پارٹی کے مرکزی رہنما سینیٹر الیاس احمد بلور نے کہا ہے کہ عوامی نیشنل پارٹی نے گذشتہ انتخابات میں اپنے منشور پر 100فیصد عمل کرکے پختون قوم کو ترقی اور خوشحالی دی۔ آئندہ انتخابات میں بھاری اکثریت سے کامیاب ہونگے ۔ اقتدار میں آکر 2سال کے اندر بجلی کی لوڈشیڈنگ ختم کردیں گے ۔

تعلیم  صحت  امن کی بحالی  غربت کے خاتمے کیلئے تمام وسائل بروئے کار لاکر عوام کو خوشحال پاکستان دیں گے۔ وہ منگل کے روز دین بہار کالونی شاہی باغ وارڈ  اتحاد کالونی اور فیصل کالونی میں مختلف اجتماعات سے خطاب کر رہے تھے ۔ اس موقع پر عوامی نیشنل پارٹی پی کے ون کے صدر وصال خان جنرل سیکرٹری سبز علی خان اور سینئر نائب صدر انشاء اللہ سمیت عوامی نیشنل پارٹی کے عہدیداروں اور کارکنوں کی ایک بڑی تعداد بھی موجود تھی۔

سینیٹر الیاس احمد بلور نے کہا کہ تحریک انصاف کے غبارے سے ہوا نکل گئی ہے ۔ پی ٹی آئی سیاسی طور پر نابالغ ہے اور نہ ہی وہ سیاسی پارٹی بن سکتی ہے ۔ انہوں نے کہا کہ آئندہ الیکشن عمران خان کے بس کی بات نہیں ۔عوامی نیشنل پارٹی 1914ء میں باچا خان کی قیادت میں وجود میں آئی اوراس ایک صدی میں بڑے بڑے انگریز  آمراور ڈکٹیٹراس پارٹی کو ختم نہیں کرسکے تو عمران خان بے چارے کی کیا حیثیت ہے۔

انہوں نے کہا کہ عمران خان مشرف کی پیداوار اور سیاست سے نابلد ہے ۔ انہیں پختون معاشرے کا کوئی علم نہیں ۔ وہ لندن اور امریکہ میں بیٹھ کر نیٹ کے ذریعے لوگوں کو این اے ون کے لئے ووٹ ڈالنے کیلئے قائل کر رہے ہیں۔ انہوں نے کہا کہ پختون معاشرہ لندن اور امریکہ کی کوئی سوسائٹی نہیں ہے جسے عمران خان جیسے نو پید سیاستدان گھر بیٹھ کر چلا سکیں۔

سینیٹر الیاس احمد بلور نے کہا کہ عوامی نیشنل پارٹی کی جڑیں پختونوں کے دلوں میں ہیں اور پختون باچا خان کی پارٹی کے علاوہ کسی اور پر بھروسہ نہیں کرتے۔ انہوں نے کہا کہ پائیدار امن کے قیام  پختون قوم کی ترقی و خوشحالی اور مضبوط پاکستان کا خواب شرمندہ تعبیر کرکے رہیں گے ۔ انہوں نے کہا کہ صوبے کے عوام شہیدبشیر احمد بلور  شہید عالمزیب اور شہید ڈاکٹر شمشیر سمیت سینکڑوں دیگر شہداء کی قربانیوں کو کیسے فراموش کرسکتے ہیں۔

انہوں نے کہاکہ اس زمین کے اصل مالک ہم ہیں جنہوں نے ملک کی سلامتی اور بقاء کیلئے جانوں کا نذرانہ پیش کیا ۔سینیٹر الیاس احمد بلور نے یقین ظاہر کیا کہ اپنی دھرتی اور عوام کے لئے بے پناہ قربانیوں کی وجہ سے خیبر پختونخوا کے عوام عوامی نیشنل پارٹی کو ہی ووٹ دیں گے۔
09/04/2013 - 22:46:14 :وقت اشاعت