انجکشن بحران پیدا کرنے والے مافیاکے خلاف آپریشن کیا جائے ، زبیر میمن ،اسلم پولانی

کراچی (اُردو پوائنٹ اخبارتازہ ترین - این این آئی۔ 15 جون2020ء) میڈیسن مارکیٹ قائدین و ہول سیل کراچی فارماآرگنائیزیشن کے صدر زبیر میمن اور جنرل سیکرٹری اسلم پولانی نے وفاقی اور صوبائی حکومتو ں سے مطالبہ کیا ہے کہ ہنگامی بنیادوں پر کرونا مریضوں کو لگنے والے انجکشن بلیک کرنے ، سپلائی روکنے اور انجکشن غائب کرنے والی مافیاز کے خلاف انتہائی سخت ترین آپریشن کرے ، کیونکہ کرونا مریضوں کی زندگیوں سے کھیلنے والے یہ مافیا اور اس میں مبینہ ملوث دواء ساز کمپنیز انسانیت کی تذلیل کے ناصرف مرتکب ہوئے ہیں بلکہ یہ مافیا انسانیت کی قاتل بھی ہیں وہ اپنے دفتر میں آئے ہوئے میڈیا نمائندوں سے گفتگو کر رہے تھے ، میڈیسن مارکیٹ قائدین صدر زبیر میمن اور جنرل سیکرٹری اسلم پولانی نے مزید کہا کہ اگر وزارت صحت نے بر وقت ایکشن ، کرونا مریضوں کو لگنے والاانجکشن ایکٹیمرACTEMRA کی عدم سپلائی کا فوری نوٹس ، ہنگامی بنیادوں پر انجکشن ایکٹیمرا ACTEMRAکی سپلائی اسپتالوں میں نہ ہونے سے پیدا ہونے والے بحران پر قابو نہ پایا اور انجکشن ایکٹیمرا ACTEMRA اسٹاک کر کے بلیک میں فروخت کرنے والوں کو عبرت ناک انجام تک نہ پہنچایا گیا تو اسپتالوں میں آنے والے کرونا مریضوں کی جان جانے کی خوفناک صورت حال پیدا ہوسکتی ہے جس کی ذمہ داری اُن تمام دواء ساز کمپنیوں پر عائد ہوگی جو مافیاز سے ملے ہوئے ہیں اور جو انجکشن ایکٹیمرACTEMRAکے غائب ہونے کے مبینہ طور پر مافیاز کی ملی بھگت اور بحران کے ذمہ دار بھی ہونگے ، میڈیسن مارکیٹ قائدین صدر زبیر میمن اور جنرل سیکرٹری اسلم پولانی نے روشROSH پاکستان لیمیٹڈ کی جانب سے جاری کردہ اشتہار اور اس پر درج 0304-1111085 کو عوام کے ساتھ مزاق قرار دیا کیونکہ مذکورہ نمبر پر کوئی دستیاب نہیں ،یہ محض ایک خانہ پوری کہ علاوہ کچھ نہیں ، میڈیسن مارکیٹ قائدین صدر زبیر میمن اور جنرل سیکرٹری اسلم پولانی نے حکومت سے فوری ایکشن لینے کا مطالبہ کیا ہے، میڈیسن مارکیٹ قائدین صدر زبیر میمن اور جنرل سیکرٹری اسلم پولانی نے کہا کہ وفاقی وزارت صحت کہاں سورہی ہے کیا انہیں نہیں معلوم کہ روش کمپنی عوام اور حکومت کو بے وقوف بنارہی ہے انجکشن غائب اور بلیک مارکیٹنگ کرکے مریضوں کی جانوں سے کھیلا جارہا ہے مذکورہ کمپنی خفیہ طور پر من پسند اسپتال کو انجکشن فراہم کر کے مریضوں سے لاکھوں روپے بٹور رہی ہے ۔