دنیا بھر میں مہلک کورونا وائرس سے متاثرہ افراد کی تعداد ایک کروڑ آٹھ لاکھ سے تجاوز کرگئی،

واشنگٹن (اُردو پوائنٹ اخبارتازہ ترین - اے پی پی۔ 02 جولائی2020ء) دنیا بھر میں مہلک کورونا وائرس سے متاثرہ افراد کی تعداد ایک کروڑ آٹھ لاکھ سے تجاوز کرگئی ہے جبکہ اب تک اس مہلک وائرس سے پانچ لاکھ19ہزار سے زائد افراد ہلاک ہوچکے ہیں۔ جمعرات کو امریکی ذرائع ابلاغ کے مطابق دنیا کے مختلف ممالک میں عالمی وبا کورونا وائرس کے پھیلاؤ میں مسلسل بڑھ رہا ہے اور اس سے ہونے والی اموات کی تعداد میں تشویشناک حد تک اضافہ ہورہا ہے۔

دنیا میں کورونا سے سب سے زیادہ متاثر ہونے والا ملک امریکہ ہے جہاںکورونا وائرس سے متاثرہ افراد کی تعداد 27 لاکھ 80 ہزار سے تجاوز کرگئی ہے جبکہ ملک میں اب تک وائرس سے ایک لاکھ 30 ہزار سے زائد افراد ہلاک ہوچکے ہیں۔ امریکہ میں کورونا وائرس سے متاثرہ مصدقہ مریضوں کی تعداد 2779953 ہے۔

(جاری ہے)

ملک میں اب تک وائرس سے 130798افراد لقمہ اجل بن گئے ہیں۔ امریکہ کی جانز ہاپکنز یونیورسٹی کے اعدادوشمار کے مطابق دنیا بھر میں کورونا متاثرین کی تعداد 10810316ہوگئی ہے جبکہ اب تک وائرس سے 519083 افراد اپنی زندگی سے ہاتھ دھو بیٹھے ہیں۔

کورونا وائرس کے مریضوں کے اعتبار سے امریکہ دنیا بھر میں پہلے، برازیل دوسرے اور روس تیسرے نمبر پر ہے۔ دوسری طرف اس وبا کی وجہ سے اموات کے اعتبار سے امریکہ پہلے، برازیل دوسرے اور برطانیہ تیسرے نمبر پر ہے۔ کورونا وائرس کے متاثرین کی تعداد کے حوالے سے بھارت دنیا کے سب سے زیادہ متاثرہ ممالک کی فہرست میں چوتھے مقام پر ہے۔ لاطینی امریکی ملک برازیل میں مہلک کورونا وائرس کے مریضوں کی تعداد میں تشویشناک حد تک اضافہ ہورہا ہے، ملک میں گذشتہ 24 گھنٹوں کے دوران کورونا وائرس کے 46712 نئے کیس سامنے آئے ہیں جس کے بعد متاثرین کی تعداد 14 لاکھ 53 ہزار سے تجاوزکرگئی ہے۔

برازیل میں اب تک اس مہلک وائرس سی60 ہزار 713افراد ہلاک ہوچکے ہیں۔ میکسیکو میں کورونا وائرس کے مریضوں کی تعداد مسلسل بڑھ رہی ہے، ملک کے مختلف علاقوں میںکورونا سے اب تک 28 ہزار سے زائد افراد ہلاک ہوچکے ہیں۔ میکسیکو میں گذشتہ24 گھنٹوں کے دوران کورونا وائرس سی741 افراد لقمہ اجل بن گئے ہیں جس سے ملک میں مجموعی ہلاکتوں کی تعداد 28510 تک پہنچ گئی ہے۔

میکسیکو میں اس وقت کورونا وائرس کے مریضوں کی تعداد 231770 ہے۔ ادھربھارت میں بھی کورونا وائرس کے پھیلاؤ میں انتہائی تیزی سے اضافہ ہورہا ہے، گذشتہ 12 روز میں ملک میں دو لاکھ نئے مریض سامنے آئے ہیں۔ بھارت میں مہلک کورونا وائرس متاثرین کی تعداد6 لاکھ سے تجاوز کرگئی ہے۔ بھارت کے مختلف علاقوں میں کورونا کے 19148 نئے مریضوںکے اضافے کے بعد متاثرین کی مجموعی تعداد بڑھ کر 605220ہوگئی ہے۔ بھارت میں گزشتہ 24 گھنٹوں کے دوران مزید 434 افراد کورونا وائرس سے ہلاک ہوئے جس سے مرنے والوں کی تعداد 17848 ہوگئی ہے۔بھارت میں اس وقت کورونا وائرس کے 227476 فعال کیسز ہیں۔