سیکرٹری محکمہ پرائمری اینڈ سیکنڈری ہیلتھ کیئر کی ہدایت پر پنجاب بھر میں ڈینگی سے بچاؤ کی سرگرمیاں تیز کرنے کاحکم

لاہور(اُردو پوائنٹ اخبارتازہ ترین - این این آئی۔ 15 اکتوبر2021ء) صوبائی سیکرٹری محکمہ پرائمری اینڈ سیکنڈری ہیلتھ کیئر عمران سکندر بلوچ کی ہدایت پر پنجاب بھر میں ڈینگی سے بچاؤ کی سرگرمیاں تیز کرنے کاحکم دے دیا گیا ہے۔ محکمہ صحت کی صوبہ بھر میں ڈینگی لاروا کو تلف کرنے اور افزائش روکنے کیلئے کارروائیاں جاری ہیں- گزشتہ 24 گھنٹوں کے دوران صوبہ بھر سے ڈینگی کے 508 مریض رپورٹ ہوئے۔

سیکرٹری صحت عمران سکندر بلوچ نے کہاکہ گزشتہ روز لاہور سے ڈینگی کے 373 مریض رپورٹ ہوئے۔ گزشتہ روز راولپنڈی سے 59 فیصل آباد سے 10 جبکہ ننکانہ صاحب سے ڈینگی کے 8 مریض رپورٹ ہوئے ہیں۔ گزشتہ روز اٹک اور حافظ آباد 7سات جبکہ مظفرگڑھ سے ڈینگی کے 5 مریض رپورٹ ہوئے ہیں۔ گزشتہ روز اوکاڑہ اور ٹوبہ ٹیک سنگھ سے ڈینگی کے 4 چار مریض رپورٹ ہوئے ہیں اورگزشتہ روز بہاولنگر،پاکپتن اور سرگودھا سے ڈینگی کی3 تین مریض رپورٹ ہوئے ہیں۔

(جاری ہے)

سیکرٹری صحت عمران سکندر بلوچ نے کہاکہ رواں سال پنجاب بھر سے اب تک ڈینگی کے 5,709 کنفرم کیسز سامنے آئے ہیں۔ رواں سال اب تک لاہور سے ڈینگی کے 4,220 کنفرم کیسز سامنے آئے ہیں - رواں سال صوبہ بھر سے اب تک ڈینگی سے 18 اموات رپورٹ ہو چکی ہیں۔ صوبہ بھر کے ہسپتالوں میں ڈینگی کے 1,490 مریض داخل ہیں۔ لاہور کے ہسپتالوں میں ڈینگی کے 831 مریض داخل ہیں۔

لاہور کے علاوہ صوبہ بھر کے ہسپتالوں میں ڈینگی کے 659 مریض داخل ہیں۔ سیکرٹری صحت عمران سکندر بلوچ نے کہاکہ پنجاب بھر کے ہسپتالوں میں اس وقت 5,120 بیڈز ڈینگی کے لئے مختص ہیں۔ پنجاب میں ڈینگی کیلئے مختص بیڈز میں سے 1,490 بیڈز پر مریض زیر علاج ہیں۔ لاہور کے ہسپتالوں میں بیڈز ڈینگی کیلئے 1266 مختص کئے گئے ہیں۔ لاہور میں ڈینگی کیلئے مختص بیڈز میں سے 831 بیڈز پر مریض زیر علاج ہیں۔

صوبائی سیکرٹری محکمہ پرائمری اینڈ سیکنڈری ہیلتھ کیئر عمران سکندر بلوچ نے کہاکہ مون سون میں ڈینگی سے بچاؤ کی احتیاطی تدابیر ازحد ضروری ہیں - مون سون کے دوران ڈینگی سے بچاؤ کے لئے شہری زیادہ ذمہ داری کا مظاہرہ کریں۔ خصوصاً بارش کا پانی رہائشی علاقوں میں نہ جمع ہونے دیں۔ گذشتہ روز محکمہ صحت کی ٹیموں نے پنجاب بھر میں 415,216 ان ڈور مقامات کو چیک کیا۔

گزشتہ روز پنجاب بھر میں محکمہ صحت کی ٹیموں نے 96,301 آؤٹ ڈور مقامات کوچیک کیا۔گزشتہ روز پنجاب بھر میں 2,174 مقامات سے لاروا تلف کیا گیا۔ گذشتہ روز محکمہ صحت کی ٹیموں نے لاہور میں 57,656 ان ڈور مقامات کو چیک کیا۔گزشتہ روز محکمہ صحت کی ٹیموں نے لاہور میں 7,890 آؤٹ ڈور مقامات کوچیک کیا۔گزشتہ روز لاہور میں 1,220 ان ڈور اور آؤٹ ڈور مقامات سے لاروا تلف کیا گیا۔

صوبائی سیکرٹری محکمہ پرائمری اینڈ سیکنڈری ہیلتھ کیئر عمران سکندر بلوچ نے مزیدکہاکہ عوام سے اپیل ہے کہ کورونا کے ساتھ ساتھ ڈینگی سے بچاؤ کی احتیاطی تدابیر بھی اپنائیں۔ پنجاب کے تمام علماء کرام سے بھی اپیل ہے کے مساجد میں آنے والے نمازیوں کو ڈینگی سے بچاؤ کے حوالے سے آگاہ کریں۔ ذمہ دار شہری ہونے کا ثبوت دیں اور اپنے اردگرد کے ماحول کو صاف ستھرا رکھیں۔ گھر کے اندر اور باہر پانی کھڑا نہ ہونے دیں۔ عوام صفائی کا خیال رکھ کر ڈینگی مچھر کی افزائش کو روکنے میں اہم کردارکریں۔