ہردس خواتین میں سے ایک خاتون بریسٹ کینسرکی شکارہوتی ہے‘ وزیر صحت

لاہور(اُردو پوائنٹ اخبارتازہ ترین - این این آئی۔ 27 اکتوبر2021ء) وزیر صحت پنجاب ڈاکٹریاسمین راشدنے کنگ ایڈورڈمیڈیکل یونیورسٹی میں بریسٹ کینسرسے متعلق آگاہی سیمینارمیں بطورمہمان خصوصی شرکت کی۔اس موقع پر وائس چانسلر کنگ ایڈورڈ میڈیکل یونیورسٹی پروفیسرڈاکٹرخالدمسعودگوندل،پرووائس چانسلر پروفیسرڈاکٹراعجاز حسین،ڈین مئیوہسپتال پروفیسرڈاکٹرثاقب سعید،رجسٹرارڈاکٹرریاست علی،پروفیسراصغرنقی،پروفیسرعائشہ ملک،ڈاکٹرعباس کھوکھر،پروفیسررانادل آویزندیم، پروفیسر ساجد عبیداللہ، پروفیسرسائر ہ افضل،ڈاکٹرمارے عمران،فیکلٹی ممبران، ڈاکٹرز، نرسز اور سٹوڈنٹس کی کثیرتعدادنے بھی شرکت کی۔

آگاہی سیمینار میںڈاکٹرماریہ عمران نے وزیرصحت ڈاکٹریاسمین راشدکی خدمات پر نظم پڑھی۔

(جاری ہے)

وائس چانسلرکنگ ایڈ ورڈ میڈیکل یونیورسٹی پروفیسرڈاکٹرخالدمسعودگوندل نے اپنے خطاب میں وزیر صحت ڈاکٹریاسمین راشدکی آمدپر شکریہ اداکیا۔صوبائی وزیر صحت ڈاکٹریاسمین راشدنے بریسٹ کینسرکے خلاف آگاہی واک کی قیادت بھی کی۔صوبائی وزیر صحت ڈاکٹریاسمین راشدنے آگاہی سیمینارکے شرکاء سے اپنے خطاب میںکہاکہ پہلے درجے کے کیسنرکی تشخیص کی صورت میں اس بیماری کا علاج ممکن ہوتا ہے۔

تکلیف محسوس ہونے پرڈاکٹرسے چیک اپ کا وقت لیا۔ڈاکٹریاسمین راشد نے کہاکہ میرا علاج کرنے والی تمام بچیاں میری ہی طالبات تھیں۔ابتدائی بائیوپسی میں تشخیص ہوگئی تھی۔بریسٹ کینسرکے علاج میں بروقت تشخیص کی بنیادی اہمیت ہے۔صوبائی وزیر صحت نے کہاکہ ڈاکٹراور معالج کی بڑی اہمیت ہوتی ہے۔ایک ڈاکٹر کی تشبیہ حضرت عیسیٰ ؑ سے دی جاتی ہے۔حضرت عیسیٰ ؑ مردے میں جان ڈال دیتے تھے۔

عوام میں کسی بیماری بارے جتناشعورپھیلائیں گے اس بیماری پر قابوپایاجاسکتاہے۔ہردس خواتین میں سے ایک خاتون بریسٹ کینسرکی شکارہوتی ہے۔صوبائی وزیر صحت نے کہاکہ کنگ ایڈ ورڈ میڈیکل یونیورسٹی میں آنکالوجی ڈیپارٹمنٹ کوکامیابی سے چلائیں گے۔صحت سہولت کارڈ کے ذریعے کینسر کا مریض بھی مفت علاج کرواسکے گا۔ یہاں سے جانے والے ہر شخص پر بریسٹ کینسرسے متعلق آگاہی پھیلانا فرض ہوگیاہے۔

انہوں نے کہاکہ معاشرہ میں آگاہی پھیلانا بھی بہت بڑا صدقہ جاریہ ہے۔کسی بھی مریض کیلئے کونسلنگ بڑی اہمیت رکھتی ہے۔مریض ایک ڈاکٹرکے مشورے پر ہمیشہ عمل کرتاہے۔ڈاکٹرزکی خوش اخلاقی سے مریض کا آدھا علاج ہوجاتاہے۔کسی بھی مریض کے علاج میں ڈاکٹرکے کردارکی بڑی اہمیت ہوتی ہے۔ڈاکٹریاسمین راشد نے کہاکہ بریسٹ کینسرجیسی موذی بیماری بارے آگاہی پھیلانے سے علاج ممکن ہے۔

وزیراعظم عمران خان اور وزیراعلیٰ پنجاب سردارعثمان بزدارنے صحت کے شعبہ میں عوام کیلئے آسانیاں پیداکی ہیں۔صوبائی وزیر صحت نے مزید کہاکہ پنجاب میں دس نئے اوربڑے سرکاری ہسپتال بنائے جارہے ہیں۔پنجاب میں سات مدراینڈ چائلڈ ہسپتال بنائے جارہے ہیں۔صحت کی بہترسہولیات عوام کا بنیادی حق ہے۔پنجاب کے 2کروڑ93لاکھ خاندانوں کویونیورسل ہیلتھ کوریج کی سہولت دی جارہی ہے۔

ڈاکٹریاسمین راشد نے کہاکہ اللہ پاک ہمیں عوام کی خدمت کرنے کی ہمت دے۔کنگ ایڈورڈ میڈیکل یونیورسٹی کے معلم میڈیکل فیلڈ کے لیڈرزہیں۔صوبائی وزیر صحت نے بریسٹ کینسرسے متعلق بہترین آگاہی سیمینار منعقدکروانے پر وائس چانسلرکنگ ایڈورڈمیڈیکل یونیورسٹی پروفیسرڈاکٹرخالدمسعودگوندل کو مبارکباد دی۔وائس چانسلرکنگ ایڈورڈ میڈیکل یونیورسٹی پروفیسرڈاکٹرخالدمسعودگوندل نے کہاکہ ہمارے معاشرے میں بریسٹ کینسرکی آگاہی پھیلانے کی اشدضرورت ہے۔

کنگ ایڈورڈ میڈیکل یونیورسٹی وزیر صحت ڈاکٹریاسمین راشدکی زیر قیادت بہترین کامیابیاں حاصل کررہی ہے۔مئیوہسپتال لاہورمیں کسی بھی بریسٹ کینسرکاشکارمریض کوعلاج کے بغیرواپس نہیں بھیجا گیا۔ پروفیسرڈاکٹرخالدمسعودگوندل نے کہاکہحکومت کے ویژن کے مطابق کنگ ایڈورڈمیڈیکل یونیورسٹی سے منسلک سرکاری ہسپتال مریضوں کیلئے آسانیاں پیداکررہے ہیں۔ کنگ ایڈورڈمیڈیکل یونیورسٹی پوسٹ گریجوایٹ پروگرم کاآغازکرنے والاپہلاادارہ ہے۔