بند کریں
صحت صحت کی خبریں قوم کو اندھیروں میں دھکیلاجا رہا ہے، پارلیمنٹ میں ٹھگوں کا بسیرا ہے،جمشید دستی ،
نواز شریف ..

صحت خبریں

وقت اشاعت: 30/03/2015 - 12:05:07 وقت اشاعت: 30/03/2015 - 11:59:29 وقت اشاعت: 29/03/2015 - 23:29:01 وقت اشاعت: 29/03/2015 - 23:23:11 وقت اشاعت: 29/03/2015 - 23:18:55 وقت اشاعت: 29/03/2015 - 23:12:37 وقت اشاعت: 29/03/2015 - 23:01:13 وقت اشاعت: 29/03/2015 - 22:13:36 وقت اشاعت: 29/03/2015 - 21:27:44 وقت اشاعت: 29/03/2015 - 21:19:00 وقت اشاعت: 29/03/2015 - 20:45:59

قوم کو اندھیروں میں دھکیلاجا رہا ہے، پارلیمنٹ میں ٹھگوں کا بسیرا ہے،جمشید دستی ،

نواز شریف اور آصف زرداری الطاف حسین کو بچانے کے لیے ایڑھی چوٹی کا زور لگا رہے ہیں، صرف دو فیصد طبقہ ملک کے 98فیصد طبقے کو یر غمال بنائے بیٹھا ہے، قوم کو حکمرانوں کی فرعونیت سے نجات تک چین سے نہیں بیٹھوں گا،رکن قومی اسمبلی کی پریس کانفرنس

صدر گوگیرہ(اردو پوائنٹ تازہ ترین اخبار29مارچ ۔2015ء ) رکن قومی اسمبلی جمشید دستی نے کہا ہے کہ پارلیمنٹ میں ٹھگوں کا بسیرا ہے صرف دو فیصد طبقہ ملک کے 98فیصد طبقے کو یر غمال بنائے بیٹھا ہے، پوری قوم کو اندھیروں میں دھکیلاجا رہا ہے آصف زرداری اور نواز شریف الطاف حسین کو ہر صورت بچانا چاہتے ہیں نائن زیرو پر آپریشن سے قبل اگر فورسز نواز شریف کو اعتماد میں لیتے تو نواز شریف کسی بھی صورت نائن زیرو پر آپریشن کی اجازت نہ دیتے اب بھی میاں نواز شریف اور آصف زرداری الطاف حسین کو بچانے کے لیے ایڑھی چوٹی کا زور لگا رہے ہیں، اس وقت ملک میں کوئی ایسی بڑی سیاسی جماعت کا وجود دکھائی نہیں دیتا جس کے ساتھ الحاق کر کے کام کر سکوں قومیا سمبلی میں کرپشن کے مرتکب کے لیے سزائے موت کی سزا کے بل کو لاؤں گا اگر عوام کے حقوق کے لیے ”انا ہزارے“ کی طرح بھوک ہڑتال کرنے پڑی تو وہ بھی کروں گا ۔

ان خیالات کا اظہار انہوں نے مظفر گڑھ سے پشاور جانے والی سائیکل ریلی کے اوکاڑہ پہنچنے کے بعد اوکاڑہ پریس کلب میں پر ہجوم پریس کانفرنس سے خطاب کرتے ہوئے کیا پریس کلب پہنچنے سے قبل شہریوں نے ان کی سائیکل ریلی پر گل پاشی کی جمشید دستی نے کہا کہ عمران خان ا ور زرداری نے کبھی بر طانیہ کے خلاف بیان نہیں دیا۔ کیونکہ ان کے مفادات برطانیہ سے وابسطہ ہیں جبکہ نواز شریف بھتہ لے کر سعودی عرب کی ہاں میں ہاں ملاتے ہیں۔

انہوں نے کہا کہ ہمارے حکمران امریکی ایجنڈے کی تکمیل کے لیے کام کرتے ہیں پورے ملک کی عوام کو غلامی کی جانب راغب کرنے کے لیے پالیسیاں بنائی جا رہی ہیں ۔موجودہ حکومت صرف لارے لپوں سے اپنا وقت پاس کر رہے ہیں قوم کو بے وقوف بنایا جا رہا ہے۔ جمشید دستی نے کہا کہ قوم کو حکمرانوں کی فرعونیت سے نجات تک چین سے نہیں بیٹھوں گا اور ملک سے ٹھگوں کو بھگا کر دم لوں گا بعدا زاں سائیکل ریلی لاہور کی جانب روانہ ہو گئی ۔

29/03/2015 - 23:12:37 :وقت اشاعت