ّسرگودھا ‘علی رضا عرف راجو (انڈے بیچنے والا) قتل کیس

بھلوال پولیس کی پروفیشنل ٹیم نے اپنی نوعیت کے اس انوکھے قتل کیس کے ملزمان کو بلاآخر گرفتار کر لیا

پیر 22 جنوری 2018 12:23

ْسرگودھا(اُردو پوائنٹ اخبارتازہ ترین - این این آئی۔ 22 جنوری2018ء) بھلوال میں انڈے بیچنے والے معصوم بچے علی رضا کے سفاکانہ قتل کیس میں بھلوال پولیس نے پیشہ وارانہ ہونے کا ثبوت دیا، بھلوال پولیس کی پروفیشنل ٹیم نے اپنی نوعیت کے اس انوکھے قتل کیس کے ملزمان کو بلاآخر گرفتار کر لیااور بالخصوص مقتول کے غریب والد کو انصاف دینے میں کوئی کسر نہیں چھوڑی۔

(جاری ہے)

زرائع کے مطابق 14 نومبر 2017 کی رات میں دو افراد محبوب اور بخش نے10 سالہ معصوم بچہ علی رضا عرف (راجو) کو انڈے بیچتے ہوئے بھلوال کی سنسان گلی سے اغوا کیا اور سنسان جگہ پر لے جا کر جنسی تشدد کا نشانہ بنا کر قتل کر کے ہاتھ پاوں باندھ کر لاش کو نہر میں پھینک دیا۔تا کہ گھنونا گناہ چھپایا جا سکے۔دو دن بعد نہر سے مقتول بچے کی لاش ملی، پانی میں رہنے کی وجہ سے اس شناخت تک مشکل ہو سکی۔

پولیس اپنی ذمہ داری نبھاتے ہوئی حرکت میں آئی اور چند مشکوک افراد سے پوچھ گھچہ کی گئی لیکن دن رات پولیس قاتلوں تک پہنچنے کے لیے انتھک کاوشیں کرتی رہی۔بلاآخر بھلوال پولیس ایک غریب کے معصوم بیٹے کے قاتلوں کو گرفتار کر لیا ہے جن تفتیش کرتے ہوئے چالان مرتب کیا جائے گا اور انہیں عدالت سے قرار واقعی سزا ملے گی۔