گوجرانوالہ،زنابالجبر کا مرکزی مجرم اشتہاری انٹرپول کے ذریعے بیرون ملک یمن سے گرفتار

مجرم اشتہاری شجر حسین گرفتاری سے بچنے کیلئے بیرون ملک فرار ہو گیا تھا مجرمانہ ذہن رکھنے وا لوں کو نشانِ عبرت بنا دیں گے، شہریوں کے جان و مال کی حفاظت اولین ترجیحات میں شامل ہے،سٹی پولیس آفیسرکیپٹن (ر)سید حماد عابد

اتوار 16 جنوری 2022 00:14

گوجرانوالہ(اُردو پوائنٹ اخبارتازہ ترین - آن لائن۔ 15 جنوری2022ء) سی آئی اے پولیس نے اعلیٰ کارکردگی کا مظاہرہ کرتے ہوئے تھانہ لدھیوالہ وڑائچ میں زنا بالجبر جیسے سنگین جرم کے مرکزی مجرم اشتہاری شجر حسین کو بذریعہ انٹرپول یمن سے گرفتار کرلیادوران تفتیش مجرم اشتہاری نے انکشاف کیا کہ وہ وقوعہ کے بعد گرفتاری سے بچنے کیلئے بیرون ملک سعودی عرب فرار ہوگیا تھا اور وہاں سے بیرون ملک یمن مقیم ہوگیا۔

تفصیلات کے مطابق علاقہ تھانہ لدھیوالہ وڑائچ کے علاقہ میں سیکنڈ ائیر کی طالبہ (ز)کے ساتھ زنا بالجبر کرنے والے مرکزی ملزم کو سی آئی اے پولیس نے بذریعہ انٹرپول بیرون ملک یمن سے گرفتار کرلیا۔ملزم شجر حسین کے ہمراہی ملزم کو سی آئی اے پولیس پہلے ہی2020میں کویت سے گرفتار کرچکی ہے۔

(جاری ہے)

مجرمان اشتہاری کے خلاف موثر کارروائی کیلئے سٹی پولیس آفیسرکیپٹن (ر) سید حماد عابد نے ایس ایس پی انویسٹی گیشن سردار موارہن خان کی زیر قیادت اور ڈی ایس پی سی آئی اے گل نواز کو خصوصی احکامات جاری کئے۔

انہی احکامات کی روشنی میں سی آئی اے پولیس ٹیم نے جدید ٹیکنالوجی کا استعمال کرتے ہوئے پیشہ ورانہ مہارت کی بدولت مجرم اشتہاری شجر حسین کو گرفتار کر لیا۔ مجرم سے مزید تفتیش جاری۔اس موقع پر سٹی پولیس کیپٹن (ر)آفیسرسید حماد عابد کا کہنا ہے کہ مجرمانہ ذہن رکھنے والوں کو نشانِ عبرت بنا دیں گے۔ شہریوں کے جان و مال کی حفاظت اولین ترجیحات میں شامل ہے۔سی پی او نے اعلیٰ کارکردگی کا مظاہرہ کرنے پر ڈی ایس پی سی آئی اے گل نواز،انسپکٹر سی آئی اے گوہر عباس بھٹی، اے ایس آئی چمن شہزاد اور سی آئی اے ٹیم کو شاباش دی۔