بحیرہ روم کی ٹھنڈی ہوائیں گوادر میں سیلاب کا باعث بنتی ہیں، چیئرمین فیڈرل فلڈ کمیشن

گوادر(اُردو پوائنٹ اخبارتازہ ترین - این این آئی۔ 01 اپریل2024ء) چیف انجینئرنگ ایڈوائزر اور چیئرمین فیڈرل فلڈ کمیشن احمد کمال نے کہا ہے کہ میرے ملک کے عوام خاص طور پر بلوچستان کے عوام کو ترقی کرنے کا اتنا ہی حق ہے جتنا کسی اور کو ہے، گوادر میں حالیہ موسلا دھار بارشوں کی بنیادی وجہ بحیرہ روم سے آنے والی سرد ہوائیں ہیں ،چین اور پاکستان ڈیزاسٹر مینجمنٹ پر مل کر کام کر رہے ہیں۔

گوادر پرو کے مطابق اگر ہم کسی جگہ کو ترقی دینا چاہتے ہیں اور ہم اپنے ملک کو بہتر بنانا چاہتے ہیں تو کسی کو کسی قسم کا اعتراض نہیں ہونا چاہئے۔ چیف انجینئرنگ ایڈوائزر اور چیئرمین فیڈرل فلڈ کمیشن احمد کمال نے گوادر پرو کو گوادر کی سیلاب کی صورتحال اور چین پاکستان اقتصادی راہداری(سی پیک ) کے بارے میں کچھ میڈیا کی غلط معلومات کا جواب دیتے ہوئے کہا کہ میرے ملک کے عوام خاص طور پر بلوچستان کے عوام کو ترقی کرنے کا اتنا ہی حق ہے جتنا کسی اور کو ہے۔

(جاری ہے)

انہوں نے کہا کہ گوادر میں حالیہ موسلا دھار بارشوں کی بنیادی وجہ بحیرہ روم سے آنے والی سرد ہواں کا بہاو ہے۔گوادر پرو کے مطابق احمد کمال نے وضاحت کی فروری کے وسط سے وسط اپریل کے درمیان درجہ حرارت کچھ زیادہ رہا ہے، اور اس بار یہ حالت اور درجہ حرارت زیادہ تھا۔ زیادہ درجہ حرارت اور سسٹم کے داخل ہونے کی وجہ سے گوادر میں بھی سمندر کے کنارے کا اثر پڑا۔

یہی وجہ ہے کہ اس وقت زیادہ درجہ حرارت کی وجہ سے بارشوں میں اضافہ ہوا اور سمندر کی سطح کے بخارات اس میں جذب ہو رہے تھے ۔ گوادر پرو کے مطابق انہوں نے کہا کہ اس طرح کے واقعات ماضی میں گوادر اور اس سے ملحقہ علاقوں جیسے کاگے یا لسبیلہ میں پیش آچکے ہیں لیکن اس بار جتنی شدت سے ہوئے ہیں اس کے ساتھ نہیں۔ یہ موسمیاتی تبدیلی کے اثرات کی نشاندہی کرتا ہے اور یہ مغربی لہر یا سرد ہوائیں پاکستان میں آنے اور پاکستان میں اس کے اثرات میں اضافے کا اشارہ ہے۔

گوادر پرو کے مطابق احمد کمال کے مطابق چین اور پاکستان ڈیزاسٹر مینجمنٹ پر مل کر کام کر رہے ہیں۔ انہوں نے کہا کہ ہم نے چینی حکومت کی متعلقہ وزارت اور چین کی ہوہائی یونیورسٹی کے ساتھ ایک ایم او یو پر بھی دستخط کیے ہیں جس کے تحت ایک جوائنٹ واٹر مینجمنٹ سینٹر قائم کیا جائے گا، اس کے ساتھ ساتھ ہر سال بڑی تعداد میں اہلکاروں یعنی جونیئر، مڈل اور سینئر طلبا جو آبی وسائل ہوں گے اور کالجوں اور یونیورسٹیوں کے مینجمنٹ پروفیشنلز کو پاکستان کے ساتھ ساتھ چین میں بھی تربیت دی جائے گی۔