کورونا ویکسین کی عدم دستیابی حکومت کی مجرمانہ غفلت اور نااہلی کا ثبوت ہے، شہباز شریف

شہباز شریف کا ملک میں ویکسین کی قلت پر تشویش کا اظہار، حکومت سے ویکسین کی فی الفور فراہمی کا مطالبہ کر دیا

Danish Ahmad Ansari دانش احمد انصاری اتوار 20 جون 2021 20:56

کورونا ویکسین کی عدم دستیابی حکومت کی مجرمانہ غفلت اور نااہلی کا ثبوت ..
اسلام آباد (اُردو پوائنٹ، اخبار تازہ ترین، 20جون 2021) کورونا ویکسین کی عدم دستیابی حکومت کی مجرمانہ غفلت اور نااہلی کا ایک اور ثبوت ہے ، شہباز شریف کا ملک میں ویکسین کی قلت پر تشویش کا اظہار، حکومت سے ویکسین کی فی الفور فراہمی کا مطالبہ کر دیا ۔ تفصیلات کے مطابق مسلم لیگ (ن) کے صدر شہبازشریف نے ملک میں کورونا ویکسین کی عدم دستیابی پر شدید تشویش کا اظہار کرتے ہوئے کہاکہ حکومت عوام کی زندگیوں سے نہ کھیلے کورونا ویکسین کی فی الفور فراہمی کا بندوبست کرے ۔

بائیس کروڑ عوام کی آبادی کو مد نظر رکھتے ہوئے منصوبہ بندی کی جائے۔چند لاکھ ڈوز منگوانے اور خیراتی ویکسین سے کام چلانے کی چھوٹی سوچ تبدیل کی جائے ۔انہوںنے کہاکہ کورونا ویکسین کی عدم دستیابی حکومت کی مجرمانہ غفلت اور نااہلی کا ایک اور ثبوت ہے ۔

(جاری ہے)

اپوزیشن نے بار بارخبردار کیا کہ عوام کی زندگیاں موذی وائر سے محفوظ بنانے کے لئے بروقت ویکسین کی بکنگ کرائی جائے۔

ویکسین کے فراہمی کے معاملے میں وہی کچھ ہورہا ہے جو ایل این جی کی فراہمی کے معاملے میں ہوا تھا ۔آٹا چینی دوائی کے معاملے میں جس طرح مفادپرستوں نے جیبیں بھریں، کورونا ویکسین میں وہی کچھ دوہرایا جارہا ہے ۔انہوںنے کہاکہ افسوس ہے کہ عوام کی زندگی کے معاملے میں حکومت مجرمانہ غفلت کا سنگین ترین مظاہرہ کررہی ہے ۔1200 ارب روپے کے کورونا ریلیف پیکج پر کرپشن کے سنگین سوالات نے صورتحال پہلے ہی گھمبیر بنارکھی ہے ۔

عوامی سرمائے کی چوری انتہاپر ہے اور عوام کو خدمات کی فراہمی صفر ہے۔حکومت کی چوری، نااہلی اور بدانتظامی کی سزا عوام کو مل رہی ہے جو افسوسناک اور قابل مذمت ہے۔دوسری جانب آج ہی کے روز چین سے کورونا ویکسین کی 15لاکھ خوراکیں پاکستان پہنچا دی گئیں۔ نیشنل کمانڈ اینڈ آپریشن سینٹر کے مطابق کورونا ویکسین کی 15لاکھ خوراکیں چین سےخصوصی پروازکے ذریعے پاکستان پہنچائی گئی ہیں ، وفاقی دارالحکومت اسلام آباد پہنچے والی ویکسین سائیو ویک ہیں۔

بتایا گیا ہے کہ چین سے رواں ماہ کورونا ویکیسن کی 80 لاکھ خوراکیں پاکستان پہنچ جائیں گی، چین سے رواں ماہ تیار ویکسین کی50 لاکھ اور کین سائنو ویکسین کی 30 لاکھ خوراکیں خام مال کی صورت ملیں گی ، ذرائع وزارت صحت کے مطابق چین سے رواں ماہ پاکستان کیلئے مجموعی طور پر کورونا ویکیسن کی 80 لاکھ خوراکیں آئیں گی ، رواں ماہ 50 لاکھ تیار ویکسین پاکستان پہنچے گی جب کہ 20 سے 22 جون کے درمیان کین سائنو ویکسین کی 30 لاکھ خوراکوں کا خام مال بھی پاکستان پہنچےگا۔

اسلام آباد شہر میں شائع ہونے والی مزید خبریں:

Your Thoughts and Comments