اسلام آباد، چھ سالہ بچہ کے سامنے خاتون کیساتھ غیر اخلاقی حرکات، بااثر ملزمان بچے کو اغواء کرکے لے گئے

اسلام آباد (اُردو پوائنٹ اخبارتازہ ترین - آن لائن۔ 22 اکتوبر2020ء) وفاقی دارالحکومت اسلام آباد میں چھ سالہ بچہ کے سامنے خاتون کیساتھ غیر اخلاقی حر کا ت کے بعد بااثر ملزمان بچہ کو بھی اغواء کر کے لے گئے شمس کالونی پولیس نے سابق سیکرٹری عارف الہی کے داماد سمیت دو ملزمان کو گرفتار کر کے لاہور ڈیفنس سے بچہ بازیاب کرا لیا تاہم بدھ اور جمعرات کی درمیانی رات کو پولیس نے پنجاب پولیس کے اعلی آفیسر کی سفارش پر سابق سیکرٹری کے داماد ملزمان رضا الہی اور رفاقت کو چھوڑ دیا جبکہ بچے کو عدالت میں پیش کر کے ماں کے حوالے کر دیا ہے.

(جاری ہے)

شمس کالونی پولیس نے مسماة کرن کی مدعیت میں 17 اکتوبر کو مقدمہ درج کیا جس میں خاتون نے موقف اپنایا کہ وہ لاہور میں رضا الہی کے گھر کام کرتی تھی تاہم اس گھر کا ماحول ٹھیک نہ ہونے پر وہ نوکری چھوڑ آئی اور رضا الہی کے ملازموں رفاقت وغیرہ نے اس کا شناختی کارڈ لے لیا شناختی کارڈ کی واپسی کے لیے رفاقت نے اسے فون کیا اور کہا کہ نیشنل مارکیٹ راولپنڈی آجاو اور اپنا شناختی کارڈ لے جاو مدعیہ کے مطابق رفاقت نے اسے دوبارہ فون کیا کہ ہمایوں نامی ملازم بحریہ ٹاون سے آ رہا ہے تم سری نگر ہائی وے پی ایس او پٹرول پمپ پر ٹھہرو وہاں پر تمہیں شناختی کارڈ مل جائیگا,مدعیہ کے مطابق 17 اکتوبر شام ساڑھے 6 بجے ایک سفید رنگ کی گاڑی آئی جس میں ہمایوں اور رفاقت بیٹھے تھے جنھوں نے زبردستی میرے چھ سالہ بیٹے حسنین سمیت مجھے گاڑی میں بیٹھایا اور بچہ کے سامنے مجھے برہنہ کر کے زبردستی کرنے کی کوشش کی میرے شور شرابہ کرنے پر دونوں ملزمان نے برہنہ حالت میں مجھے گاڑی سے باہر پھینک دیا اور میرے بیٹے چھ سالہ حسنین کو اغوائ کر کے لے گئی,مدعیہ کے مطابق کچھ دیر بعد پھر مجھے رفاقت کی فون آئی اور اس نے کہا کہ تمھارا بچہ ہم سابق سیکرٹری عارف الہٰی کی بیٹی انعم اور داماد رضا الہی کو فروخت کر رہے ہیں جو بھی ہمارے افسروں کی بات نہیں مانتا ان کے ساتھ ہم یہی کرتے ہیں مدعیہ کے مطابق سترہ اکتوبر کو رات 8 بجے اس نے شمس کالونی پولیس کو ساری روداد سنائی جس کے بعد شمس کالونی پولیس نے ملزمان کے خلاف اغوائ سمیت دیگر دفعات کے تحت مقدمہ درج کیا,پولیس کے مطابق بدھ کی سہ پہر مدعیہ کو ساتھ لیکر شمس کالونی پولیس نے لاہور ڈیفنس میں رضا الہی کے گھر چھاپہ مار کر چھ سالہ بچہ حسنین کو بازیاب کرا لیا اور ساتھ ہی سابق سیکرٹری عارف الہیٰ کے داماد رضا الہی اور ملازم رفاقت کو بھی گرفتار کر کے تھانہ شمس کالونی منتقل کر دیا پولیس ذرائع کے مطابق رات 9 بجے پولیس کی چھاپہ مار ٹیم مغوی بچہ اور ملزمان کو لے کر واپس تھانہ شمس کالونی پہنچی ذرائع کا کہنا ہے کہ ملزم رضا الہیٰ اور رفاقت کو تھانہ منتقل کرتے ہی سفارشیوں کی کالز آنا شروع ہو گئیں اور رات تقریبا تین بجے شمس کالونی پولیس نے پنجاب پولیس کے اعلیٰ آفیسر کی سفارش پر گرفتار دونوں ملزمان رضا الہیٰ اور رفاقت کو چھوڑ دیا جبکہ مغوی بچہ کو جمعرات کی صبح جوڈیشل مجسٹریٹ شعیب اختر کی عدالت میں پیش کر کے بازیاب کرائے گئے بچہ کو ماں کے حوالے کر دیا ہے اس سلسلے میں پولیس کا موقف معلوم کرنے کے لیے ڈی ایس پی گولڑہ خالد اعوان سے متعدد بار رابطہ کرنے کی کوشش کی گئی لیکن ان سے رابطہ نہ ہو سکا ہے۔