گزشتہ 24 گھنٹوں کے دوران کورونا کے مزید400 نئے کیسز رپورٹ، کورونا وائرس سے مزید 2 مریض انتقال کرگئے، وزیراعلیٰ سندھ

کراچی۔29 ستمبر(اُردو پوائنٹ اخبارتازہ ترین - اے پی پی۔ 30 ستمبر2020ء) کوویڈ 19 کی صورتحال بیان کرتے ہوئے وزیر اعلی سندھ سید مراد علی شاہ نے کہا ہے کہ کورونا وائرس سے مزید 2 مریض انتقال کرگئے جس سے ہلاکتوں کی مجموعی تعداد 2497 ہوگئی ہے ،جو شرح اموات کی1.8 فیصد ہے۔ مراد علی شاہ نے کہا کہ گزشتہ 24 گھنٹوں کے دوران 10881 نمونوں کی جانچ کی گئی جس سے مزید کورونا وائرس کے 400 نئے کیسز سامنے آئے ہیں جو کہ موجودہ شرح کی3.6 فیصد ہے۔

انہوں نے کہا کہ اب تک 1352139 ٹیسٹ کیے گئے ہیں جن کے نتیجے میں136795 مثبت کیسز کی تشخیص ہوئی جبکہ اب تک 130137 مریض صحت یاب ہو چکے ہیں جو کہ صحتیابی کی95.1 فیصد کی شرح بنتی ہے اور گزشتہ 24 گھنٹوں کے دوران 245 مریض صحتیاب ہوکر گھر جاچکے ہیں۔ وزیراعلی سندھ نے کہا کہ اس وقت4161 مریض زیر علاج ہیں ، ان میں سے 3881 گھروں میں ، 6 آئسولیشن سینٹر ز میں اور 274 مختلف اسپتالوں میں ہیں جبکہ 172 مریضوں کی حالت تشویشناک بتائی گئی ہے ، جن میں سی37 مریضوں کو وینٹیلیٹرز پر منتقل کردیاگیا ہے۔

(جاری ہے)

مراد علی شاہ نے بتایا کہ 400 نئے کیسز میں سے 297 نئے کیسز کا تعلق کراچی سے ہے۔ جن میں 100 ضلع شرقی ، 92 ضلع جنوبی ، 56 ضلع وسطی ، 26 ضلع ملیر ، 14 ضلع کورنگی اور 9 ضلع غربی کے شامل ہیں۔ اسی طرح جامشورو 9 ، دادو ، حیدرآباد ، لاڑکانہ ، شہید بینظیر آباد ، سکھر اور گھوٹکی 2۔2 ، قمبر ، میرپورخاص ، سانگھڑ اور عمرکوٹ میں سے ایک ایک نئے کیسز سامنے آئے ہیں ۔