ح*پاکستان اسٹیل مل کی نجکاری وطن سے غداری کے مترادف ہوگی،مسلم لیگ(ف)

G مسلم لیگ اپنی لیبر ونگ کے ذریعے مزدوروں کے ساتھ شانہ بشانہ کھڑی ہے ، ان کے جائز مطالبات کی منظوری تک ہر لائحہ عمل کا ساتھ دے گی ،جنرل سیکرٹری سردارعبدالرحیم

اتوار 29 نومبر 2020 21:45

ا*کراچی(اُردو پوائنٹ اخبارتازہ ترین - آن لائن۔ 29 نومبر2020ء) پاکستان اسٹیل مل کی نجکاری کا عمل وطن سے غداری کے مترادف ہوگا ملازمین کو جبری طور پر بیروزگار کرنا ہزاریں خاندانوں کا معاشی قتل ہے پاکستان مسلم لیگ فنکشنل سندھ کے جنرل سیکریٹری سردار عبدالر حیم نے یہ بات اسٹیل مل سے تعلق رکھنے والے مختلف یونینوں کے رہنماؤں سے فنکشنل لیگ ہاؤس کراچی میں ملاقات کرتے ہوئے کہی انہوں نے کہا کہ پاکستان مسلم لیگ فنکشنل اپنی لیبر ونگ کے ذریعے پاکستان اسٹیل مل کے مزدوروں کے ساتھ شانہ بشانہ کھڑی ہیں اور ان کی جائز مطالبات کی منظوری تک ان کے ھر لائحہ عمل کا ساتھ دے گی سردار عبدالر حیم نے حیرت کا اظہار کیا کہ وزیراعظم ایک ایماندار شخص ہے لیکن اسٹیل مل کی نجکاری میں اربوں روپے کی ہیرا پھیری کے اندیشے کے باوجود اسٹیل مل کے نجکاری پر اپنی آنکھیں بند کی ہوئی ہیں سردار عبدالر حیم نے اس عزم کا اظہار کیا ہے کہ پاکستان مسلم لیگ فنکشنل اسٹیل مل کے مزدوروں کا مقدمہ عدالتوں سے لیکر حکومت کے ایوانوں اور سڑکوں پر لڑے گی ملاقات میں آغا موسیٰ عبدالحق چنہ محمد عاصم بھٹی امجد زرداری اکبر میمن محمد ابراہیم اور دیگر شامل ہیں