ڈاکٹر ثانیہ نشتر کنگز کالج لندن سے ڈاکٹریٹ(پی ایچ ڈی)کی دو ڈگریاں حاصل کرنے والی پہلی پاکستانی خاتون بن گئیں

وزیراعظم عمران خان کی معاون خصوصی برائے سماجی تحفظ اور تخفیف غربت ڈاکٹر ثانیہ نشتر کنگز کالج لندن سے ڈاکٹریٹ(پی ایچ ڈی)کی دو ڈگریاں حاصل کرنے والی پہلی پاکستانی خاتون بن گئیں

جمعرات 17 اکتوبر 2019 14:51

ڈاکٹر ثانیہ نشتر کنگز کالج لندن سے ڈاکٹریٹ(پی ایچ ڈی)کی دو ڈگریاں حاصل کرنے والی پہلی پاکستانی خاتون بن گئیں

لاہور(اُردو پوائنٹ اخبارتازہ ترین - این این آئی۔ 17 اکتوبر2019ء) وزیراعظم عمران خان کی معاون خصوصی برائے سماجی تحفظ اور تخفیف غربت ڈاکٹر ثانیہ نشتر کنگز کالج لندن سے ڈاکٹریٹ(پی ایچ ڈی)کی دو ڈگریاں حاصل کرنے والی پہلی پاکستانی خاتون بن گئیں۔میڈیا رپورٹ کے مطابق ڈاکٹر ثانیہ نشتر نے سائنس میں ڈاکٹریٹ کی ڈگری کنگز کالج لندن سے خود وصول کی۔

(جاری ہے)

انہوں نے 2002 میں مذکورہ تعلیمی ادارے سے ادویات میں پی ایچ ڈی کی تھی۔ثانیہ نشتر اس وقت بے نظیر انکم سپورٹ پروگرام میں کی سربراہ بھی ہیں۔ وہ اقوام متحدہ کی یونیورسٹی برائے عالمی صحت میں شریک چیئرمین کی خدمات بھی انجام دے رہی ہیں۔انہوں نے 1986 میں خیبر میڈیکل کالج سے ایم بی بی ایس کی ڈگری حاصل کی اور ایم آرسی پی کی ڈگری برطانیہ سے 1996 میں حاصل کی۔وزیراعظم کی معاون خصوصی اس سے قبل 2013 میں بھی وفاقی وزیر برائے صحت کے عہدے پر فائز رہ چکی ہیں۔