پی ٹی آئی والے حکومت میں آکر قومی اداروں کی نجکاری کرنے کا خیال دل سے نکال دیں،محمد اشرف بھٹی

پیپلز پارٹی کسی بھی قیمت پر ملکی اداروں کی نجکاری نہیںہونے دے گی

ہفتہ 11 اگست 2018 21:06

لاہور (اُردو پوائنٹ اخبارتازہ ترین - آن لائن۔ 11 اگست2018ء) پاکستان پیپلزپارٹی لاہور کے سینئر نائب صدر محمد اشرف بھٹی نے کہا ہے کہ پی ٹی آئی والے حکومت میں آکر قومی اداروں کی نجکاری کرنے کا خیال دل سے نکال دیں پیپلز پارٹی کسی بھی قیمت پر ملکی اداروں کی نجکاری نہیںہونے دے گی پی ٹی آئی کی حکومت کی راہ میں ہم رکاوٹیں نہیں ڈالنا چاہتے لیکن پی ٹی آئی کو عوام سے زیادتی کرنے کی اجازت بھی نہیں دیںگے ایک مثبت اپوزیشن کا کردار ہم بخوبی ادا کریں گے اور ایشو ٹو ایشو پی ٹی آئی سے اسمبلیوں کے اندر بھی اور اسمبلیوں سے باہر بھی جواب لیں گے ۔

(جاری ہے)

وہ اقلیتوںکے دن کے حوالے سے منعقد کی گئی تقریب سے خطاب کررہے تھے۔ محمد اشرف بھٹی کا کہنا تھا کہ پاکستان میںبسنے والی اقلیتوں کو سب سے زیادہ حقوق پیپلز پارٹی کی حکومتون مین دئیے گئے ہیں پیپلز پارٹی کے صدر آصف علی زرداری نے سینیٹ میں اقلیتوں کی نشستوں میں اضافہ کیا تھا اور ان کو ہر سطح پر ایک مناسب نمائندگی بھی دی اور انہیں حکومت سازی میں بھی اہم مقام دیا تھا پیپلز پارٹی آئندہ بھی ان کی فلاح و بہبود کے لئے کام کرتی رہے گی۔