ملکی ترقی کی راہ میں رکاوٹیں ڈالنے والوں کاکوئی مستقبل نہیں ، گڈگورننس ،احتساب ،شفافیت اور میرٹ پر کوئی سمجھوتہ نہیں ہوگا ،گور نر پنجاب

اتوار جون 22:30

لاہور۔16 جون(اُردو پوائنٹ اخبارتازہ ترین - اے پی پی۔ 16 جون2019ء) گور نر پنجاب چوہدری محمدسرور نے کہا ہے کہ ملکی ترقی کی راہ میں رکاوٹیں ڈالنے والوں کاکوئی مستقبل نہیں،گڈگورننس ،احتساب ،شفافیت اور میرٹ پر کوئی سمجھوتہ نہیں ہوگا ،تحریک انصاف کی حکومت عوامی حمایت سے اقتدار میں آئی ہے جو اپنی مدت پوری کرئے گی ،کر نٹ اکائونٹ خسارہ 30فیصد کم ہونا حکومت کی کامیاب معاشی پالیسوں کا منہ بولتا ثبوت ہے۔

اوورسیز پاکستانی ملک کی ترقی کیلئے جو کردار ادا کر رہے ہیں وہ قابل تعریف ہے حکومت انکے مسائل کو تر جیح بنیادوں پر حل کر ئے گی۔ ان خیالات کا اظہار انہوں نے دوبئی ،لندن اور جرمنی سے آنیوالے اورسیز پاکستانیوں کے وفود سے گفتگو کے دوران کیا، گور نر پنجاب چوہدری محمدسرور نے کہا کہ موجودہ حکومت ملک میں ہر سطح پر شفافیت اور میرٹ کو یقینی بنا ر ہی ہے انہوں نے کہا کہ عوام کو صحت اور تعلیم سمیت دیگر سہولتوں کی فراہمی کو بھی یقینی بنایا جائیگا۔

(جاری ہے)

انہوں نے کہا کہ اورسیز پاکستانی ملک وقوم کا قیمتی سر مایہ ہیں جنہوں نے تحر یک انصاف کو عام انتخابات میں بھر پور سپورٹ کیا اور آج بھی اورسیز پاکستانی ملک کو معاشی بحران سے نجات دلانے کیلئے اپنا بھر پو ر کردارادا کر رہے ہیں۔ انہوں نے کہا کہ وزیر اعظم کی قیادت میں حکومت نے ملک کو ترقی اور خوشحالی کی راہ پر گامزن کر دیا ہے اور انشاء اللہ آنیوالاہر دن ملک وقوم کیلئے ترقی اور خوشحالی کی نوید لیکر آئیگا گورنر نے کہا کہ جو لوگ ملک میں ترقی اور خوشحالی کی راہ میں رکاوٹیں ڈالنے کی کوشش کر رہے ہیں وہ پہلے بھی ناکام ہوئے ہیں اور آئندہ بھی ان کو ناکامی کے سواکچھ نہیں ملے گا ۔

لاہور شہر میں شائع ہونے والی مزید خبریں:

Your Thoughts and Comments