عمران خان کرپشن کے خاتمے کا وعدہ ہرحال میں پورا کرینگے‘نوید شر یف

نواز لیگ کی سیاست کا مرکز ومحور عوام نہیں بلکہ نواز شریف اور نواز لیگ کی کرپشن کو چھپانا ،بچانا ہے

جمعرات 21 اکتوبر 2021 12:20

لاہور(اُردو پوائنٹ اخبارتازہ ترین - این این آئی۔ 21 اکتوبر2021ء) پاکستان تحریک ا نصا ف کے سنیئر مرکزی رہنما، ایڈوائز ٹومنسٹری اوورسیزنوید شر یف نے کہاہے کہ عمران خان کرپشن کے خاتمے کا وعدہ ہرحال میں پورا کرینگے،عمران خان منتخب وزیراعظم ہیں مریم نواز کے بیانات عوام کے مینڈیٹ کی توہین کے مترادف ہیں، نواز لیگ کی سیاست کا مرکز ومحور عوام نہیں بلکہ نواز شریف اور نواز لیگ کی کرپشن کو چھپانا ،بچانا ہے ۔

(جاری ہے)

اپنے بیان میں انہو ں نے کہاکہ عوام اپوزیشن کے اصل چہروںسے واقف ہوچکے ہیں اب انکی کوئی شعبدہ بازی کام نہیںآئیگی ڈی جی آئی ایس آئی کی تقرری پر وزیراعظم کااختیار کسی ادارہ کیساتھ جنگ یا تصادم نہ ہے بلکہ آئین وقانون کے مطابق نئی تقرری کی جارہی ہے اس پر اپوزیشن کی تنقید کسی بھی صورت میں قومی ادارہ کیلئے نیک شگون نہ ہے۔ انہو ں نے کہا کہ اپوزیشن کی اولین کوشش کرپشن کیسز سے چھٹکارا پانا او رلوٹی گئی ملکی دولت ہضم کرنا ہے جس میں یہ کامیاب نہیں ہوسکتے،وزیر اعظم عمران خان کرپٹ عناصر کے احتساب کے ایجنڈا پر کاربند ہیں اور کسی کو ڈھیل دیں گے نہ ڈیل ہوگی۔