لاہور،جماعت اسلامی پاکستان حکومت کی 38ماہ کی کارکردگی پر کل وائٹ پیپر جاری کر یں گی

جمعرات 28 اکتوبر 2021 00:07

لاہور (اُردو پوائنٹ اخبارتازہ ترین - آن لائن۔ 27 اکتوبر2021ء) جماعت اسلامی پاکستان حکومت کی 38ماہ کی کارکردگی پر جمعرات کو وائٹ پیپر جاری کر رہی ہے۔ امیر جماعت اسلامی سراج الحق، سیکرٹری جنرل امیر العظیم و دیگر قائدین کے ہمراہ منصورہ میں پریس کانفرنس کے دوران وائٹ پیپر جاری کریں گے۔ سیکرٹری اطلاعات قیصر شریف نے کہا کہ تحریک انصاف کی گزشتہ سوا تین سال کی کارکردگی کو میڈیا کے ذریعے قوم کے سامنے رکھا جائے گا۔

(جاری ہے)

انھوں نے کہا کہ وائٹ پیپر میں صنعت، زراعت، بنکنگ، تعلیم، صحت، مہنگائی، بے روزگاری، گورننس، کرپشن کے خلاف اقدامات، لا اینڈ آرڈر کی صورت حال، اداروں کی تباہی، حکومت کی دیگر خارجہ اور داخلہ پالیسیوں کا تفصیلی جائزہ پیش کیا جا رہا ہے۔ انھوں نے کہا کہ وائٹ پیپر میں موجودہ حکومت کی کارکردگی اور ماضی کی حکومتوں کی کارکردگی کا تقابلی جائزہ بھی کیا گیا ہے۔ انھوں نے کہا کہ پی ٹی آئی کی حکومت ہر میدان میں بری طرح فلاپ ہو گئی ہے۔ حکمرانوں کے پاس ملک کی کشتی کو بھنور سے نکالنے کی کوئی اہلیت نہیں ہے۔