……تصیح شدہ……
Gپنجاب اسمبلی کا بجٹ پیش کر دیا گیا
منگل 19 مارچ 2024 07:10
(جاری ہے)
رواں مالی سال میں513.73ارب روپے تنخواہوں ، 392.10ارب روپے پنشن جبکہ 627.70ارب روپے مقامی حکومتوں کیلئے مختص کیے گئے ہیں۔مالی سال 2023-24ء کے لیے ترقیاتی بجٹ کا تخمینہ 655ارب روپے جبکہ غیر ملکی امدا د سے چلنے والے منصوبوں / پروگرامز / گرانٹس کیلئے مختص رقم 113.2ارب روپے ہے۔
ترقیاتی بجٹ کا 36فیصد حصہ سوشل سیکٹر ، 39فیصد انفرا سٹرکچر ، 8فیصد پروڈکشن سیکٹر اور چار فیصدسروسز سیکٹر پر مشتمل ہے ۔ اسی طرح مختلف پروگرامز اور عوامی بھلائی خصوصی اقدامات کیلئے 13فیصد ترقیاتی بجٹ مختص کیا گیا ہے ۔ترجمان نے بتایا کہ گزشتہ مالی سال کے جاریہ بجٹ 1712ارب روپے کی نسبت اس سال جاری بجٹ کا تخمینہ 2074ارب روپے ہے۔سماجی تحفظ کے اقدامات کا تخمینہ 20ارب روپے، صوبائی ملازمین کی تنخواہوں اور پنشن میں اضافے کی شرح ایک تا 16گریڈ کیلئے بنیادی پے سکیل میں 35فیصد جبکہ گریڈ17تا 22کے بنیادی پے سکیل کے حساب سے تنخواہوں میں اضافہ 30فیصد اور پنشن میں 17فیصد اضافہ کیا گیا ہے ۔ ترجمان نے بتایا کہ 50کروڑ روپے سے صوبائی ڈیٹا بیس اتھارٹی قائم کی جائے گی تا کہ مختلف سیکٹرز کیلئے درست اعدادو شمار ہوں اور شہری و دیہی علاقوںکی ضروریات کی مطابق درست منصوبہ بندی ممکن ہو ۔ صحت کے شعبہ کے لیے مجموعی طور پر 473.62اب روپے رکھے گئے ہیں ۔صوبائی حکومت 40ارب روپے سے دیہی مراکز صحت اور بنیادی مراکز صحت کی مکمل اوور ہالنگ کے چار پروگرام شروع کرے گی تا کہ صحت کے حق سے کوئی شہری محروم نہ رہے ۔30ارب روپے سے لاہور میں نوازشریف انسٹیٹیوٹ آف کینسر ٹریٹمنٹ اینڈ ریسرچ تعمیر کیا جائے گا جس کیلئے 50کروڑ روپے کی ابتدائی رقم رواں مالی سال کے آخری تین ماہ کے ترقیاتی بجٹ میں رکھ دی گئی ہے ۔ترجمان نے بتایا کہ عوام دوست اور غریب پرور ہیلتھ انشورنس پروگرام کیلئے رواں مالی سال میں 45ارب روپے رکھے گئے ہیں۔ ایک ارب روپے سے پنجاب بھر میں ورکنگ ویمن کیلئے نئے ڈے کیئر سنٹرز قائم کیے گی جائیں گے ۔ ترجمان نے بتایا کہ مذہبی اقلیتی بھلائی کیلئے ترقیاتی بجٹ میں1.40ارب روپے کی رقم مختص کی گئی ہے ۔ ترجمان نے بتایا کہ شعبہ زراعت کی ترقی کیلئے مجموعی طور پر 79.12 ارب روپے مختص کیے گئے ہیں۔ترجمان نے بتایا کہ سفری سہولیات کیلئے ٹرانسپورٹ کے شعبہ میں مجموعی طور پر 25.75ارب روپے کی رقم مختص کی گئی ہے۔ ترجمان نے بتایا کہ ایک ارب روپے سے جرنلسٹ انڈوومنٹ فنڈ قائم کیا جائے گا تا کہ میڈیا ورکز کے بہترین علاج معالجہ کے ساتھ ساتھ شہید ہونے یا وفات پانے والے میڈیا ورکز کے خاندانوں کی کفالت ممکن ہو۔اس کے ساتھ ساتھ 320ارب روپے سے 82سڑکوں اور شراہوں کی تعمیر و مرمت کا ایک بڑا پروگرام شروع کیا جا رہاہے جس کے ذریعے 2659کلو میٹر طویل سڑکوں کی مرمت ہو گی ۔ ترجمان نے بتایا کہ 5ارب روپے سے ’’ اپنی چھت ، اپنا گھر ‘‘ پروگرام کے اجراء کے ساتھ ساتھ سموگ فری پنجاب کیلئے 2ارب روپے سلیکٹڈ بیسیں اور ایک ارب روپے الیکٹرک بائیکس کے منصوبے پر خرچ کیے جائیں گے ۔ ستھرا پنجاب کے تحت سالڈویسٹ مینجمنٹ کیلئے 2ارب روپے ، گلیوں اور گٹروں کی مرمت کیلئے 5ارب روپے سے پروگرام جبکہ ایک ارب روپے سے سی ایم پلانٹ فار پاکستان کا منصوبہ شروع کیا جائے گا۔ ترجمان نے بتایا کہ 10ارب روپے سے لاہور میں نواز شریف آئی ٹی سٹی ، ایک ارب روپے سے گلوبل آئی ٹی سرٹیفیکیشنز پروگرام اور 25کروڑ روپے سے پنجاب دستک پروگرام شروع ہو گا جس سے عوام 43سرکاری خدمات سے گھر بیٹھے مستفید ہو سکیں گے ۔ترجمان نے بتایا کہ تعلیم ، صحت ، واٹر سپلائی و سینیٹیشن ، ویمن ڈویلپمنٹ ، سپورٹس اینڈ یوتھ ایفیئرز ، بہبود آباد ی اور سماجی تحفظ جیسے اہم سوشل سیکٹرز کیلئے حکومت پنجاب 236.37ارب روپے مختص کیے ہیں جو رواں مالی سال کے ترقیاتی بجٹ کا 36فیصد ہیں۔ترجمان نے بتایا کہ شعبہ تعلیم کیلئے رواں مالی سال میں مجموعی طور پر 595.8ارب روپے رکھے ہیں جس میں سے 537.40ارب روپے غیر ترقیاتی بجٹ کی مد میں رکھے گئے ہیںجو رواں مالی سال کے کل غیر ترقیاتی بجٹ کا 26فیصد بنتا ہے۔ 57.68ارب روپے شعبہ تعلیم کے ترقیاتی بجٹ کیلئے مختص کیے گئے ہیں جو کل ترقیاتی بجٹ کا 9فیصد ہیں۔شعبہ تعلیم کیلئے مختص شدہ مجموعی ترقیاتی بجٹ میں سے سکول ایجوکیشن کیلئے 44.41ارب روپے ، ہائر ایجو کیشن کیلئے 9.36ارب روپے جبکہ محکمہ لٹریسی و غیر رسمی تعلیم کیلئے 2.99ارب پے روپے اور سپیشل ایجو کیشن کیلئے 92کروڑ روپے رکھے گئے ہیں۔متعلقہ عنوان :
لاہور میں شائع ہونے والی مزید خبریں
ڈی آئی جی آپریشنز کا شہر کے مختلف علاقوں کا دورہ ،سکیورٹی انتظامات کا جائزہ لیا
محکمہ وائلڈ لائف کی کارروائی، سمگل شدہ جنگلی پرندوں کی بڑی کھیپ برآمد
شہریوں کی جان و مال کا تحفظ ہماری اولین ذمہ داری ہے، ڈی آ ئی جی آ پریشنز
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
وزیراعلیٰ مریم نواز پنجاب میں خدمت کے نئے ریکارڈ قائم کریں گی، نسرین اختر ملک
وزیراعلیٰ پنجاب کی ہدایت پر سرکاری نرخ پر روٹی پر فروخت نہ کرنے والوں کیخلاف کریک ڈاون جاری
وزیر اعلی ٰمریم نواز نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد ..
وزیراعلیٰ پنجاب مریم نواز سے اے ڈی ایم ہولڈنگ لمیٹڈ کے وفد کی ملاقات
پنجاب بھرمیں1236ٹریفک حادثات میں11افراد جاں بحق1295زخمی ہوئے
وزیراعلیٰ پنجاب پنک گیمز کے کامیاب انعقاد کیلئی9 انتظامی کمیٹیاں تشکیل
ڈی جی سپورٹس پرویز اقبال کی زیر صدارت پہلی وزیراعلیٰ پنجاب پنک گیمز 2024کے حوالے سے اہم اجلاس
مسلم لیگ (ن) کی مرکزی جنرل کونسل کا اجلاس 11مئی کو طلب
لاہور سے متعلقہ
پاکستان کی تازہ ترین خبریں
-
پورے پاکستان میں ہم پر بے بنیاد مقدمات بنائے گئے ہیں،عمر ایوب
-
پاکستان سٹاک ایکسچینج میں کاروباری ہفتے کے اخری تیزی کا رجحان رہا، 100 انڈیکس میں مجموعی طور پر 751.35 پوائنٹس کا اضافہ
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
سونے کی قیمتوں میں اضافے کا رجحان برقرار
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
محمود خان اچکزئی کے وارنٹ گرفتاری جاری
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم