ا*رواں سال میں منشیات فروشوں کے خلاف 2500مقدمات درج،2584ملزمان گرفتار

جمعہ 29 مارچ 2024 20:00

pلاہور (اُردو پوائنٹ اخبارتازہ ترین - آن لائن۔ 29 مارچ2024ء) لاہور پولیس منشیات سے پاک لاہور کیلئے پر عزم ہے۔ منشیات کے گھناونے کاروبار میں ملوث مگرمچھوں کے خلاف گرینڈ آپریشن جاری ہے۔اس ضمن میں رواں سال میں منشیات فروشوں کے خلاف 2500مقدمات کا اندراج کر کی2584ملزمان کی گرفتاری عمل میں لائی گئی ہے۔یہ بات ترجمان لاہور پولیس نے آج یہاں جاری اپنے بیان میں کہی۔

ترجمان نے بتایا کہ گرفتار ملزمان سی1966کلو سے زائد چرس،72کلو سے زائد ہیروئن،34کلو سے زائد آئس اور16265لیٹر شراب برآمد کی گئی ہے۔ کینٹ ڈویڑن میں منشیات فروشی کی500ملزمان، سول لائنزڈویڑن میں 246، سٹی ڈویڑن میں 638، اقبال ٹاؤن ڈویڑن میں 405، صدرڈویڑن میں 380جبکہ ماڈل ٹاؤن ڈویڑن میں 415ملزمان کو گرفتار کیا گیا ہے۔

(جاری ہے)

اس حوالے سے کیپٹل سٹی پولیس آفیسر بلال صدیق کمیانہ نے کہا کہ منشیات کے مکروہ دھندے میں ملوث سماج دشمن عناصر کسی رعایت کے مستحق نہیں۔

انہوں نے منشیات کی خرید و فروخت پر زیرو ٹالرنس کی پالیسی اپنانے کی ہدایت کرتے ہوئے متعلقہ افسران کو منشیات کی آن لائن ترسیل کی روک تھام اور سپلائی چین توڑنے کا ٹاسک سونپ دیا۔سی سی پی او نے تعلیمی اداروں اور ہاسٹلز کے اطراف میں منشیات فروشوں کی سرکوبی کیلئے انٹیلی جنس بیسڈ آپریشنز میں تیزی لانے کے احکامات جاری کرتے ہوئے کہا کہ جدیدٹیکنالوجی کو بروئے کار لاتے ہوئے منشیات فروشوں کے گردگھیراتنگ کیا جارہا ہے۔

بلال صدیق کمیانہ نے اس عزم کا اعادہ کیا کہ نوجوان نسل کونشے سے محفوظ رکھنے اور منشیات فروشی کے نیٹ ورکس کا قلع قمع لاہور پولیس کا اہم ایجنڈا ہے۔انہوں نے مزید کہا کہ والدین، اساتذہ اور سول سوسائٹی نوجوان نسل کو نشے کی لعنت سے بچانے میں اپنا کردار ادا کریں اور منشیات کی خریدوفروخت کی اطلاع فوری طورپر 15پر دیں۔