حکومت کو آکسیجن دینے والے سلنڈر خالی ہوچکے ہیں، عمران خان کی ٹانگیں کانپ رہی ہیں،قمرزمان کائرہ

جمعہ 10 جولائی 2020 19:36

اوکاڑہ (اُردو پوائنٹ اخبارتازہ ترین - این این آئی۔ 10 جولائی2020ء) پیپلز پارٹی پنجاب کے صدر قمرزمان کائرہ نے کہاہے کہ حکومت کو آکسیجن دینے والے سلنڈر خالی ہوچکے ہیں، عمران خان کی ٹانگیں کانپ رہی ہیں ۔

(جاری ہے)

ان خیالات کا اظہا رانہوںنے پیپلز پارٹی تحصیل اوکاڑہ کے صدر رائو ایاز الکریم سے بات چیت کرتے ہوئے کیا انہوں نے کہا ہے کہ موجودہ حکومت خود کسی کارکردگی کی وجہ سے برسراقتدار نہیں ہے بلکہ کسی کے فراہم کردہ آکسیجن سے چل رہی ہے اب جہاں سے اور جن سلنڈروں سے آکسیجن آرہی تھی وہ خالی ہوچکے ہیں جس کی وجہ سے اس حکومت کو جانا ٹہر گیا ہے انہوںنے کہا کہ میر ی مراد عوام سے کئے گئے وعدے تھے جن کے غبارے سے ہوا نکل چکی ہے انہوںنے کہا کہ ایسی حکومت سے کسی بھلائی کے توقع نہیں کی جاسکتی ، انہوں نے کہا کہ حکومت نے ملک کا بیڑا ہی غرق کر دیا مہنگائی کی دلدل میں پھنسے لوگ دو وقت کی روٹی کے لیے پریشان ہو چکے ہیں سرکاری محکموں کے فنڈز بند ہونے سے ملازمین کو بر وقت تنخواہوں کی ادائیگیاں مشکل ہو چکی ہے اگر یہی نیا پاکستان ہت تو خان صاحب خدارا پاکستان عوام کو پرانے پاکستان میں ہی رہنے دیں ملک چلانا خان صاحب کے بس کی بات نہیں موجودہ حالات میں حکومت کا جانا ٹھہر چکا ہے۔