پیرودھائی پولیس کی کاروائی، تاش کے پتوں پر جواء کھیلنے والے سات افراد گرفتار

راولپنڈی(اُردو پوائنٹ اخبارتازہ ترین - این این آئی۔ 14 جون2025ء)پیرودھائی پولیس کی ایک کارروائی کے دوران تاش کے پتوں پر جواء کھیلنے والے سات افراد کو گرفتار کر لیا گیا ۔گرفتار افراد سے داؤ پر لگی رقم 41 ہزار روپے،6 موبائل فونز اور تاش کے پتے برآمد۔

(جاری ہے)

تفصیلات کے مطابق پیرودھائی پولیس نے کاروائی کرتے ہوئے تاش کے پتوں پر جواء کھیلنے والے 07 افراد کو حراست میں لے لیا، زیر حراست افراد سے داؤ پر لگی رقم 41 ہزار روپے،6 موبائل فونز اور تاش کے پتے برآمد ہوئے، ایس پی راول محمد حسیب راجہ کا کہنا تھا کہ زیر حراست افراد کو ٹھوس شواہد کے ساتھ چالان کیا جائے گا۔

دریں اثناء تھانہ صدر واہ پولیس نے ایک شخص کو گرفتار کر کے 780 گرام چرس برآمد کی ادھر کہوٹہ پولیس نے ایک شخص کو گرفتار کر کے 520 گرام چرس برآمد کی، واہ کینٹ پولیس نے تین افراد کو گرفتار کر کے 28 لیٹر شراب برآمد کی، وارث خان پولیس نے ایک فرد کو گرفتار کر کے 10 لیٹر شراب برآمد کی، صدر بیرونی پولیس نے ایک فرد کو گرفتار کرکے 05 لیٹر شراب برآمد کر کے الگ الگ مقدمات درج کر لیے، ڈویژنل ایس پیز کا کہنا تھا کہ نوجوان نسل کی رگوں میں منشیات کے ناسور کے خاتمے تک ڈائون جاری رہے گا۔