پی ایس ایل چیمپیئن پشاور زلمی کا خیبر پختونخواہ میں زلمی اسکول لیگ کرانے کا اعلان

اسلام آباد(اُردو پوائنٹ اخبارتازہ ترین - آئی این پی۔ 17 دسمبر2017ء) پاکستان سپر لیگ کی چیمپیئن ٹیم پشاور زلمی نے ایک اور بڑا قدم اٹھاتے ہوئے خیبر پختونخواہ میں زلمی اسکول لیگ کرانے کا اعلان کردیا، ٹورنامنٹ میںبنوں،پشاور،مالاکنڈ اور ہزارہ کی ٹیمیں شرکت کریں گی، ہر ریجنز سے دو دو ٹیمیں شریک ہوں گی ، آرمی پبلک سکول پشاور کی ٹیم کو ایونٹ میں خصوصی طور پر شرکت کی دعوت دی جائے گی۔

تفصیلات کے مطابق کے پی کے میں گراس روٹ لیول پر کرکٹ کو فروغ دینے کے لیے پشاور زلمی نے زلمی اسکول لیگ متعارف کرا دی ،ایونٹ میں کے پی کے چار ریجنز کی ٹیمیں شریک ہوں گی جن میں بنوں،پشاور،مالاکنڈ اور ہزارہ کی ٹیمیں شامل ہیں۔ ہر ریجنز سے دو دو ٹیمیں شریک ہوں گی ۔اس کے علاوہ آرمی پبلک سکول پشاور کی ٹیم کو ایونٹ میں خصوصی طور پر شرکت کی دعوت دی جائے گی۔

(جاری ہے)

پشاور زلمی کے چیئرمین جاوید آفریدی کا کہنا ہے کے کے پی میں سو پچز پروجیکٹ کے بعد وہ گراس روٹ لیول پر کرکٹ کی خدمت کرنا چاہتے ہیں اور اسی وجہ سے انہوں نے زلمی اسکولی کرانے کا بیڑا اٹھایا ہے۔پوری امید ہے کہ اس زلمی اسکول لیگ سے جہا ں نیا ٹیلنٹ سامنے آئے گا وہی کے پی میں سکول کے بچوں کو بہترین صنت مندانہ سرگرمی بھی میسر آئے گی ،جاوید آفریدی کا مزید کہنا تھا کہ زلمی اسکول لیگ کو آرمی پبلک سکول کے شہدا بچوں اور سٹاف کے نام منسوب کیا جائے گا ایونٹ کے میچز ہری پور کرکٹ گراونڈ میں کھیلے جائیں گے جبکہ فائنل پشاور میں کرایا جائے گا۔

زلمی اسکول لیگ کا پہلا مرحلہ پی ایس ایل سے قبل اور دوسرا مرحلہ پی ایس ایل کے بعد منعقد ہوگا ایونٹ کے شیڈول کا اعلان چند روز میں کر دیا جائے گا۔