سرفراز کی بجائے ناکام کھلاڑیوں کو فار غ کیا جائے :جاوید میانداد
ٹیسٹ کرکٹ میں ناکامی کا ملبہ سرفراز احمد پر ڈال دینا درست نہیں:سابق کپتان
ذیشان مہتاب منگل 18 دسمبر 2018 14:29
کراچی (اردو پوائنٹ تازہ ترین اخبار۔18دسمبر2018ء) سابق قومی کپتان جاوید میانداد کا کہنا ہے کہ پاکستان کرکٹ بورڈ(پی سی بی ) کو سرفرازاحمد کو قیادت سے فارغ کرنے کی بجائے ایسے کھلاڑیوں سے نجات حاصل کرنے پر غور کرنا چاہیئے جو کارکردگی دکھانے میں ناکام رہے ہیں۔ گزشتہ روز ایک انٹرویو کے دوران جاوید میانداد کا کہنا تھا کہ کیویز کے خلاف حالیہ ہوم ٹیسٹ سیریز میں شکست کا ملبہ سرفراز احمد پر ڈالنا سراسر زیادتی ہے اور وہ کپتان کو پیغام دینا چاہتے ہیں کہ انہیں خود پر کسی بھی قسم کا دباﺅ نہیں لینا چاہئے۔سابق کپتان کا کہنا تھا کہ سرفراز احمد اس وقت قومی ٹیسٹ کرکٹ ٹیم کی قیادت کیلئے سب سے بہترین اورموزوں آپشن ہیں کیوں کہ انہیں وکٹ کیپنگ کے ساتھ اپنی بیٹنگ پر بھی دسترس حاصل ہے اور ہمیں ان کی بجائے ایسے پلیئرز پر تنقید کرنی چاہئے جو کارکردگی دکھانے میں ناکام ہیں ،ٹیم کمبی نیشن کے لیے بھی یہی بہتر ہوگا کہ ایسے کھلاڑیوں کو باہر کردیا جائے۔
ایک سوال پر انہوں نے کہا کہ دورہ جنوبی افریقہ میں انہیں قومی کرکٹ ٹیم سے کسی خاص کارکردگی کی امید نہیں کیونکہ یہ امکان اسی وقت پیدا ہو سکتا ہے جب بیٹنگ لائن پرفارم کرے اور جنوبی افریقہ کی خطرناک کنڈیشنز میں ایسا ہونا آسان نہیں ہوگا۔ جاوید میانداد کا کہنا تھا کہ قومی بیٹسمینوں میں دیگر مضبوط ٹیموں کی طرح یہ صلاحیت نہیں کہ وہ جلد جنوبی افریقہ جیسی مشکل کنڈیشنز میں ایڈجسٹ ہو جائیں جس کی مثال یو اے ای میں کیویز کے خلاف سامنے آچکی ہے جہاں دو مرتبہ پاکستانی بیٹنگ لائن اپ میچ کے پانچویں دن اچانک ڈھے گئی اور یقینی کامیابی کو موقع گنوا بیٹھی۔ایک سوال کے جواب میں ان کا کہنا تھا کہ ڈومیسٹک کرکٹ میں اداروں کا کردار بڑے کرکٹرز پیدا کرنے میں اہم رہا ہے کیونکہ وہی انہیں نوکریاں، مراعات اور بہترین کرکٹ فراہم کر سکتے ہیں۔
(جاری ہے)
وقت اشاعت : 18/12/2018 - 14:29:16
مزید متعلقہ خبریں پڑھئیے :
متعلقہ عنوان :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
نیوزی لینڈ نے پاکستان کو چوتھے ٹی ٹونٹی میں سنسنی خیز مقابلے کے بعد 4 رنز سے شکست دیدی
-
پاکستان نیوزی لینڈ کی کمزور ٹیم کیخلاف بھی سیریز نہ جیت سکا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
لاہور پولیس کے پاکستان نیوزی لینڈ ٹی ٹونٹی کرکٹ سیریز کے پُرامن انعقاد کیلئے فول پروف سکیورٹی انتظامات
-
ویسٹ انڈیزکیخلاف قومی ویمن ٹیم کی مایوس کن کارکردگی
-
بسمہ معروف کا کرکٹ سے فوری ریٹائرمنٹ کا اعلان