آسٹریلیا کیخلاف سیریز میں سرفراز سمیت اہم کھلاڑیوں کو آرام دینے کا فیصلہ
عمر اکمل ،وہاب ریاض کوموقع ملنے کا امکان،کپتانی شاداب خان کو مل سکتی ہے
ذیشان مہتاب پیر 25 فروری 2019 15:09
شارجہ (اردو پوائنٹ تازہ ترین اخبار۔25فروری 2019ء) ستمبر سے قومی کرکٹ ٹیم کے مصروف اور نان سٹاپ سیزن کو دیکھتے ہوئے پاکستانی ٹیم انتظامیہ نے آسٹریلیا کےخلاف سیریز میں کپتان سرفراز احمد سمیت اہم کھلاڑیوں کو آرام دینے کی منصوبہ بندی شروع کردی ہے جس کے باعث وہ انگلینڈ کےخلاف 5 ون ڈے میچزاور ورلڈ کپ میں کھلاڑی ترو تازہ ہوکر شرکت کرسکیں، ذرائع کے مطابق سرفراز احمد کو 2ون ڈے میچز میں آرام دینے پر غور دیا جارہا ہے اور ایسا ہونے کی صورت میں قومی ٹیم کے قیادت نوجوان لیگ سپنر شاداب خا ن کو دی جاسکتی ہے جبکہ وکٹ کیپنگ کے فرائض محمد رضوان سر انجام دیں گے ۔ٹیم مینجمنٹ شاداب خان کی موجودگی میں یاسر شاہ کو بھی دو میچز کھلانے پر غور کررہی ہے تاکہ اس فارمیٹ کے لیے ان کی فارم کو چیک کیا جاسکے۔
شاداب خان نے پاکستان سپر لیگ میں اسلام آباد یونائیٹڈ کی کپتانی کی ہے اور سلیکٹر انہیں قومی ٹیم کی کپتانی دیکر مستقبل کیلئے ان کی قائدانہ صلاحیتوں کو پرکھناچاہتے ہیں۔ذرائع کے مطابق ٹیم انتظامیہ 6 سے 7 لڑکوں کو آزمانا چاہتی ہے جبکہ عمر اکمل، عابد علی اور وہاب ریاض کو بھی موقع دیا جاسکتا ہے، فاسٹ باﺅلر حارث رﺅف کو فوری طور پر انٹر نیشنل کرکٹ کھلانے کی کوئی تجویز زیر غور نہیں ہے ۔چیف سلیکٹر انضمام الحق کا کہنا ہے کہ ستمبر سے مسلسل کرکٹ کھیلنے کے باعث لڑکے تھک گئے ہیں ،کپتان سرفراز احمد مسلسل تینوں فارمیٹس کھیل رہے ہیں اس لیے ہم کچھ کھلاڑیوں کوآرام کا موقع دینا چاہتے ہیں ۔قومی ٹیم کے ہیڈکوچ مکی آرتھر بھی دبئی میں پریس کانفرنس میں اعتراف کرچکے ہیں کہ پاکستانی کرکٹرز 4 ماہ سے مسلسل کھیل کر تھکاوٹ کا شکار ہیں اور ہمیں علم ہے کہ بابر اعظم، شاداب خان، فہیم اشرف اور حسن علی کا ورلڈکپ تک فٹ رہنا ضروری ہے، مکی آرتھر کا کہنا تھا کہ تینوں فارمیٹس کھیلنے والے کھلاڑیوں کو آسٹریلیا کی سیریز میں باری باری آرام دیا جائے گا۔
(جاری ہے)
وقت اشاعت : 25/02/2019 - 15:09:03
مزید متعلقہ خبریں پڑھئیے :
متعلقہ عنوان :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
نیوزی لینڈ نے پاکستان کو چوتھے ٹی ٹونٹی میں سنسنی خیز مقابلے کے بعد 4 رنز سے شکست دیدی
-
پاکستان نیوزی لینڈ کی کمزور ٹیم کیخلاف بھی سیریز نہ جیت سکا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
لاہور پولیس کے پاکستان نیوزی لینڈ ٹی ٹونٹی کرکٹ سیریز کے پُرامن انعقاد کیلئے فول پروف سکیورٹی انتظامات
-
ویسٹ انڈیزکیخلاف قومی ویمن ٹیم کی مایوس کن کارکردگی
-
بسمہ معروف کا کرکٹ سے فوری ریٹائرمنٹ کا اعلان