ورلڈکپ 2019ء، پاکستان کو سیمی فائنل تک رسائی کے لیے کیا کچھ کرنا ہوگا؟جانئے
گرین شرٹس کو باقی میچز میں لازمی فتح درکار،بارش سرفراز الیون کا سیمی فائنلز تک رسائی کا خواب چکنا چور کردیگی
ذیشان مہتاب جمعرات 20 جون 2019 12:55
لندن(اردو پوائنٹ اخبارتازہ ترین۔ 20جون2019ء) اتوار کو اولڈ ٹریفرڈ کے میدان میں پاکستان کی انڈیا کے ہاتھوں ڈک ورتھ لوئس کے نظام کے تحت 89 رنز سے شکست کے بعد پاکستان کی سیمی فائنل تک رسائی انتہائی مشکل ہو گئی ہے۔اس ٹورنامنٹ میں پاکستان کا سری لنکا کے خلاف میچ بارش کی وجہ سے منسوخ ہو گیا تھا جبکہ دیگر چار میچوں میں سے ایک میں اسے فتح اور تین میں شکست کا سامنا کرنا پڑا ہے۔ اس وقت پوائنٹس ٹیبل پر پاکستان صرف تین پوائنٹس کے ساتھ نویں نمبر پر ہے۔تاہم اب بھی موسم نے ساتھ دیا تو ٹیم کے لیے ایک انتہائی نادر موقع موجود ہے اور ٹیم کو آئندہ تمام میچوں میں جیتنا ہوگا، اگر بارش کی وجہ سے بھی کوئی میچ منسوخ ہوا تو گرین شرٹس کی سیمی فائنل تک رسائی ناممکن ہوجائے گی۔ میڈیا رپورٹس کے مطابق پاکستان اپنا اگلا میچ 23 جون کو جنوبی افریقہ کے خلاف لارڈز کے میدان پر کھیلے گا جس کے بعد اس کے اگلے تین میچ نیوزی لینڈ، بنگلہ دیش اور افغانستان کے خلاف ہیں۔
موجودہ صورتحال کے مطابق پاکستان کو اپنے باقی تمام میچ جیتنے ہوں گے۔ سیمی فائنل تک رسائی کے لیے قسمت کا پاکستان ٹیم پر مہربان ہونا بھی لازم ہے کیونکہ پاکستان کا کوئی بھی میچ بارش کے باعث منسوخ ہوتا ہے تو اس کی سیمی فائنل تک رسائی تقریباناممکن ہو جائے گی۔اگر پاکستان اپنے تمام میچ جیتتا ہے تو اس کے 11 پوائنٹس ہو جائیں گے لیکن ساتھ ہی پوائنٹس ٹیبل میں پہلی چار پوزیشنز پر موجود ٹیموں کے آنے والے میچوں کے نتائج بھی پاکستان کے حق میں آنے چاہییں۔
(جاری ہے)
وقت اشاعت : 20/06/2019 - 12:55:25
مزید متعلقہ خبریں پڑھئیے :
Pakistan tour of Ireland 2024
Pakistan tour of England 2024
ICC Men's T20 World Cup 2024
Browse Cricket
Browse Sports
Sports News In Urdu
-
سلطان اذلان شاہ کپ میں پاکستان اورنیوزی لینڈ کے مابین میچ 1-1 گول سے برابر، پاکستان فائنل میں جگہ بنانے میں کامیاب
-
فرانس ، پاکستانی سفیرعاصم افتخار احمد کا سینڈیلن میں پاکستان کے ایونٹنگ پیرس اولمپکس تربیتی کیمپ کا دورہ،کوچ پیئرڈیفرنس سے ملاقات
-
مہمند میں پاکستان سپورٹس فیسٹیول 2024 کا افتتاح کردیا گیا
-
مارسیلو میلو اور الیگزینڈر زویروف اٹالین اوپن ٹینس مینز ڈبلز پری کوارٹر فائنل میں پہنچ گئے
-
سیالکوٹ،چیلنج کپ 2024 میں سیالکوٹ سمبڑیال نے ٹاپ پوزیشن حاصل کر لی
-
سنٹرل ایشین والی بال لیگ 11 مئی سے شروع ہوگی