ون ڈے رینکنگ:پاکستان کی چھٹی پوزیشن مستحکم

دبئی(اردو پوائنٹ تازہ ترین اخبار۔ 25جولائی2019ء) سری لنکا سے ون ڈے سیریز میں کلین سوئپ کے باوجود بنگال ٹائیگرز پاکستان کی چھٹی پوزیشن کی لیے خطرہ نہیں بن پائیں گے۔بنگلادیشی ٹیم 90 پوائنٹس کے ساتھ ساتویں درجے پر ہے جب کہ گرین شرٹس کے 97 پوائنٹس ہیں۔ آئی لینڈرز کے خلاف 3-0 کی فتح سے بنگلہ دیش کے ہاتھ صرف 3 ہی پوائنٹس آئیں گے اور اگر وہ اسی مارجن سے ہار گیا تو پھر اسے ساتویں سے نویں پوزیشن پر جانا پڑے گا۔

(جاری ہے)

پہلے ون ڈے کے بعد ریٹائر ہونے والے سری لنکن فاسٹ باﺅلر لاستھ مالنگااس وقت باﺅلنگ رینکنگ میں 35 ویں نمبر پر ہیں، ان کی کیریئر بیسٹ رینکنگ7رہی جو انھوں نے نومبر 2011 ءمیں حاصل کی تھی۔ سیریز میں دوسرے کھلاڑیوں کے پاس بھی اپنی رینکنگ بہتر بنانے کا موقع موجود ہوگا۔بلے بازوں کی فہرست میں اس وقت پاکستان کے بابر اعظم تیسری پوزیشن پر براجمان ہیں جب کہ آل راﺅنڈر کی فہرست میں بنگلہ دیش کے شکیب الحسن کا پہلا نمبر ہے ،باﺅلرز کی رینکنگ میں بھارت کے جسپریت بمراہ کا پہلا نمبر ہے۔