امپائر ڈیرل ہارپر کو سچن ٹنڈولکر کیخلاف فیصلے پر بے پناہ فخر

سڈنی (اردو پوائنٹ تازہ ترین اخبار۔24جولائی 2020ء ) سابق آئی سی سی امپائر ڈیرل ہارپر کا کہنا ہے کہ انہیں آج بھی اپنے ’’شولڈر بیفور وکٹ‘‘ فیصلے پر بے پناہ فخر ہے جب 1999ء کے ایڈیلیڈ ٹیسٹ میں سچن ٹنڈولکر کو صفر پر پویلین لوٹنا پڑا تھا ۔

(جاری ہے)

 آسٹریلین پیسر گلین میک گرا کی گیند پر سچن ٹنڈولکر کو دوسری اننگز میں اس وقت ایل بی ڈبلیو دیا گیا جب وہ اندازے کی غلطی کے سبب بائونسر کو چھوڑنے کے لیے نیچے جھک گئے اور اسٹمپس میں جانے والی گیند بھارتی بیٹسمین کے کندھے سے ٹکرائی تھی اور اس متنازع فیصلے پر 68 سالہ ڈیرل ہارپر کو کڑی تنقید کا سامنا کرنا پڑا تھا۔

ڈیرل ہارپر کے مطابق سچن ٹنڈولکر کیخلاف فیصلہ وہ اکثر پیچھے مڑ کر دیکھتے رہتے ہیں اور فخر ہے کہ انہوں نے کسی حمایت کے بغیر بے خوف انداز سے قانون کی پاسداری کی۔