سمیع اسلم کی اختلافات کے باعث نیشنل ٹی ٹونٹی نہ کھیلنے کی خبروں کی تردید

لاہور (اردو پوائنٹ تازہ ترین اخبار ۔ 21 ستمبر 2020ء ) قومی ٹیسٹ بیٹسمین سمیع اسلم نے اختلافات کے باعث نیشنل ٹی ٹونٹی نہ کھیلنے کی خبروں کی تردید کر دی۔ان کا کہنا ہے ذاتی وجوہات کے باعث نیشنل ٹی ٹونٹی سیکنڈ الیون ٹورنامنٹ میں شرکت سے معذرت کی ہے ۔ انہوں نے بتایا کہ چند روز میں والدہ کا آپریشن متوقع ہے اس لئے بائیو سکیور ببل کے باعث آنے جانے میں مشکل ہوتی۔

25 سالہ سمیع اسلم نے واضح کیا کہ کوچ سمیت کسی سے کوئی اختلاف نہیں ہے اور قائد اعظم ٹرافی سے قبل ٹیم کو جوائن کرلوں گا۔

(جاری ہے)

دوسری جانب سمیع اسلم کی اختلافات کی خبروں پر سابق قومی کپتان راشد لطیف نے سوشل میڈیا پر اپنے پیغام میں کہا کہ ’’سمیع اسلم کا کیس زرا مختلف ہے کیونکہ یہ ساؤتھ پنجاب کے کپتان تھے اور جب مینیجمنٹ سے تعلقات کشیدہ ہوئے تو ان کو بہت عمدہ کارکردگی دکھانے کے باوجود نا انگلستان کے دورہ کے لیئے منتخب کیا گیا اور نا ہی ساؤتھ پنجاب نے اس دفعہ اپنی ٹیم میں رکھا. 864 رنز، 78.55 ایوریج ،4 سنچریاں شامل‘‘۔