ایشین بریڈمین ظہیر عباس نے کورونا ویکسین لگوا لی

لاہور (اردو پوائنٹ تازہ ترین اخبار ۔ 22 جنوری 2021ء ) کرکٹ کے گھر لارڈز میں کھلاڑیوں کو عالمی وباء کورونا کی ویکسین لگانے کا کیمپ قائم کر دیا گیا ہے جس میں پاکستانی کرکٹ ٹیم کے سابق کپتان اور ایشین بریڈ مین ظہیر عباس نے بھی کورونا ویکسین لگوائی۔ تفصیلات کے مطابق کورونا وائرس کا توڑ کرنے کیلئے دنیا کے مختلف ملکوں نے اس کی ویکسین ایجاد کرلی ہے ، برطانیہ بھی ان ممالک میں شامل ہے جہاں ان دنوں شہریوں کو کورونا ویکسین لگائی جا رہی ہے۔

ایسا ہی میڈیکل کیمپ لندن میں کرکٹ کے گھر لارڈز میں بھی قائم کیا گیا ہے جہاں کرکٹرز اور دیگر شخصیات کو ویکسین لگائی جا رہی ہے۔ پاکستان کرکٹ ٹیم کے 73 سالہ سابق کپتان اور ایشین بریڈمین ظہیر عباس ان دنوں انگلینڈ میں موجود ہیں جہاں انہوں نے لارڈز میں قائم کورونا ویکسین کے کیمپ میں ویکسین لگوائی۔

(جاری ہے)

سابق کپتان نے نجی ٹی وی سے گفتگو میں کہا کہ وہ ویکیسن لگوانے کے بعد خود کو بہتر محسوس کر رہے ہیں، ویکیسن کے بعد کسی قسم کی نقاہت بھی محسوس نہیں ہو رہی، ہر پاکستانی کو کورونا ویکیسن لگوانی چاہیے۔

ظہیر عباس کے علاوہ سابق ٹیسٹ فاسٹ بائولر سرفراز نواز بھی انگلینڈ میں کورونا ویکسین لگوانے والوں کی فہرست میں شامل ہوگئے ہیں۔