جنوبی افریقہ کیخلاف ٹیسٹ سیریز کیلئے قومی ٹیم کے 17 رکنی سکواڈ کا اعلان

لاہور (اردو پوائنٹ تازہ ترین اخبار ۔ 24 جنوری 2021ء ) قومی ٹیم کی سلیکشن کمیٹی نے منگل سے جنوبی افریقہ کے خلاف شروع ہونے والے پہلے ٹیسٹ کے لیے 17 رکنی سکواڈ کا اعلان کیا ہے ۔ باقی تین کھلاڑی عبد اللہ شفیق ، کامران غلام اور سلمان علی آغا قومی ٹیم کے ساتھ رہیں گےاور نیشنل سٹیڈیم میں وارم اپ اور تربیتی سیشن میں حصہ لیں گے۔ کپتان بابراعظم اب قومی ٹیم کے ہیڈ کوچ مصباح الحق سے مشاورت کے بعد حتمی الیون کا فیصلہ کریں گے ۔

(جاری ہے)

اعلان کردہ 17 رکنی سکواڈ میں عابد علی، عمران بٹ، اظہر علی ، بابراعظم (کپتان) ، فواد عالم، سعود شکیل، فہیم اشرف، محمد نواز ، محمد رضوان (نائب کپتان و وکٹ کیپر) ، سرفراز احمد (وکٹ کیپر)، نعمان علی ، ساجد خان ،یاسر شاہ ، حارث رؤف ، حسن علی ، شاہین شاہ آفریدی اور تابش خان شامل ہیں۔پاکستان اور جنوبی افریقہ کے مابین پہلا ٹیسٹ 26 جنوری سے نیشنل سٹیڈیم،کراچی میں شروع ہوگا۔