اظہر علی نےایسا ریکارڈ بنا دیا جو بابراعظم ، ویرات کوہلی، سٹیو سمتھ یا جو روٹ کے پاس بھی نہیں

ہرارے (اردو پوائنٹ تازہ ترین اخبار ۔ 8 مئی 2021ء ) زمبابوے کے خلاف سنچری سکور کرنے کے بعد اظہر علی ایسے دوسرے بلے باز بن گئے ہیں جنہوں نے ٹیسٹ کرکٹ میں 2014ء سے 2021ء تک ہر سال میں سنچری سکور کی ہے۔ اس کے علاوہ یہ اعزاز نیوزی لینڈ کے کپتان کین ولیمسن کے پاس ہے۔ اظہر علی نے زمبابوے کے خلاف 126 رنز کی شاندار اننگز کھیلی تھی وہ اب تک ٹیسٹ کرکٹ میں 18 سنچریاں سکور کرچکے ہیں۔

(جاری ہے)

پاکستان کی جانب سے سب سے زیادہ ٹیسٹ سنچریاں کرنے والوں میں اظہر علی کا پانچواں نمبر ہے۔ اس لسٹ میں یونس خان(34) پہلے، انضمام الحق(25) دوسرے، محمد یوسف (24)تیسرے اور جاوید میانداد(23) چوتھے نمبر پر ہیں۔