انگلینڈ: بھارتی کرکٹ ٹیم کے وکٹ کیپر بلے باز رشبھ پانٹ ڈیلٹا ویرینٹ کا شکار

لندن (اردو پوائنٹ تازہ ترین اخبار ۔ 15 جولائی 2021ء ) انگلینڈ میں موجود بھارتی کرکٹ ٹیم کا ایک کھلاڑی کورونا وائرس کا شکار ہوگیا، کھلاڑی کی شناخت ظاہر کردی گئی ہے۔ میڈیا رپورٹس کے مطابق بھارتی کرکٹر کے ڈیلٹا ویرینٹ کا شکار ہونے کا خدشہ ظاہر کیا گیا ہے، وائرس کے شکار کھلاڑی کو فوری طور پر قرنطینہ میں بھیج دیا گیا ہے، بھارتی میڈیا کے مطابق وکٹ کیپر بلے باز رشبھ پانٹ کورونا وائرس کا شکار ہوئے ہیں ۔

(جاری ہے)

23 سالہ رشبھ پانٹ نے مئی میں کورونا ویکسین کی پہلی ڈوز لگوانے کی تصویر بھی ٹویٹر پر لگائی تھی ۔ ذرائع کا بتانا ہے کہ اگلے ماہ انگلینڈ کے خلاف ٹیسٹ سیریز سے قبل آج بھارتی کھلاڑیوں کو اکٹھا ہونا تھا ۔ دوسری جانب بھارتی بورڈ نے کھلاڑیوں کو احتیاط اور رش والی جگہوں پر نہ جانے کی ہدایت کی ہے جب کہ بھارتی کھلاڑی اور آفیشلز کرکٹ بورڈ کی ہدایات کو نظرانداز کرتے ہوئے یورو کپ اور ومبلڈن کے مقابلے دیکھتے رہے۔