ْآئندہ سال جولائی اگست میں 2 ٹیسٹ اور 3 ون ڈے میچز میں پاکستانی ٹیم سری لنکاکے مقابل ہوگی

اتوار 26 ستمبر 2021 14:05

کولمبو(اُردو پوائنٹ اخبارتازہ ترین - این این آئی۔ 26 ستمبر2021ء) آئندہ سال جولائی اگست میں 2 ٹیسٹ اور 3 ون ڈے میچز میں پاکستانی ٹیم سری لنکاکے مقابل ہوگی۔آئی لینڈرز نے 2022-2021 کیلنڈر میں 10 آئی سی سی ورلڈ ٹیسٹ چمپئن شپ میچز کھیلنے کا منصوبہ ترتیب دیا ہے،ٹیم نومبر میں ویسٹ انڈیز سے ٹیسٹ میچز گال میں کھیلے گا۔

(جاری ہے)

جنوری میں زمبابوے سے 3 ون ڈے اور 2 ٹوئنٹی 20 میچز میں مقابلہ ہوگا، یہ میچز2020 میں ملتوی ہوگئے تھے، فروری میں آسٹریلیا سے 5 ٹی 20 میچز ہونے ہیں، مارچ میں سری لنکن ٹیم بھارت سے 2 ٹیسٹ اور 3 ٹوئنٹی 20 میچز کھیلے گی، مئی میں بنگلہ دیش سے 2 ٹیسٹ میچز شیڈول ہیں، مئی سے جولائی تک آسٹریلیا سے 2 ٹیسٹ، 5 ون ڈے اور 3 ٹوئنٹی 20 میچز ہوں گے۔

جولائی اگست میں پاکستان سے 2 ٹیسٹ اور 3 ون ڈے میچز ہونے ہیں، اگست میں ایل پی ایل کا تیسرا ایڈیشن ہوگا، ستمبر میں ایشیا کپ، ایشین گیمز ہوں گے، نومبر میں ٹوئنٹی 20 ورلڈ کپ آسٹریلیا میں طے ہے،نومبر دسمبر میں سری لنکن ٹیم نیوزی لینڈ سے 2 ٹیسٹ اور 3 ون ڈے کھیلے گی، اس کی تصدیق ہونا ابھی باقی ہے، جنوری 2023 میں اسے 5 ون ڈے میچز کے لیے بھارت جانا ہے۔

مزید متعلقہ خبریں پڑھئیے‎ :

وقت اشاعت : 26/09/2021 - 14:05:06

Your Thoughts and Comments