نممبیا کے آل راؤنڈر ڈیوڈ ویزا کی بھارتی میڈیا پر بابراعظم کی تعریفیں

لاہور (اردو پوائنٹ تازہ ترین اخبار ۔ یکم نومبر 2021ء ) پاکستان سُپر لیگ میں لاہور قلندرز اور ٹی ٹونٹی ورلڈ کپ میں نمیبیا کی نمائندگی کرنے والے آل راؤنڈر ڈیوڈ ویزے کا کہنا ہے کہ پاکستان کی بیٹنگ لائن اپ بابراعظم کے گرد گھومتی ہے۔ 36 سالہ ڈیوڈ ویزا نے بھارتی میڈیا کو انٹرویو دیتے ہوئے کہا کہ ویرات کوہلی اور بابراعظم میں سے منتخب کرنا کہ کون بہتر ہوگا تھوڑا سا مشکل ہے۔

(جاری ہے)

انہوں نے کہا کہ بابراعظم ٹی ٹونٹی فارمیٹ میں نہایت مستقل مزاجی سے پرفارمنس دیتے ہیں۔ ڈیوڈ ویزے کا کہنا تھا کہ بابراعظم اوپننگ کرتے ہیں اور پوری اننگز بیٹنگ کرتے ہیں، ویرات کوہلی بابراعظم سے تھوڑا سا زیادہ جارحانہ مزاج سے کھیلتے ہیں۔