وہاب ریاض نے 24 گھنٹوں میں دو لیگز کھیلنے کا منفرد کارنامہ سرانجام دیدیا

کولمبو (اردو پوائنٹ تازہ ترین اخبار ۔ 6 دسمبر 2021ء ) قومی ٹیم کے فاسٹ بائولر وہاب ریاض سپر سٹار بن گئے، وہاب ریاض ابوظہبی سے پرائیویٹ جیٹ میں اکیلے ہی کولمبو پہنچ ‏گئے۔ ٹی 10 لیگ میں ٹیم کو ٹائٹل جتوانے کے بعد وہاب ریاض نے گزشتہ روز لنکا پریمیئر لیگ کا میچ کھیلا۔ وہاب ریاض لنکا پریمیئر لیگ میں جافنا کنگز کی نمائندگی ‏کریں گے ۔‏ ‏ابوظہبی ٹی ٹین لیگ میں سب سے زیادہ 21 وکٹیں وانندو ہسارنگا نے حاصل کی تھیں ۔

(جاری ہے)

‏ ہسارانگا ٹی ٹونٹی رینکنگ میں دنیا کے نمبر ون بائولر ہیں اور وہ لنکا پریمیئر لیگ میں جافنا کنگز کی نمائندگی ‏کریں گے۔ ٹیم انتظامیہ کا کہنا ہے کہ دونوں کھلاڑیوں کو بائیو سکیور ببل سے ببل منتقل کرنے کا یہی طریقہ تھا۔ واضح رہے کہ دکن گلیڈی ایٹرز نے فائنل معرکے میں دہلی بُلز کو شکست دے کر ٹی 10 لیگ 2021ء کا ٹائٹل جیتا ‏ہے۔ ابوظبی میں کھیلے جانے والے فائنل معرکے میں دکن گلیڈی ایٹرز نے دہلی بلز کو 56 رنز سے شکست کر فتح ‏سمیٹی، دہلی بلز 160 رنز کے تعاقب میں 103 رنز بنا سکی۔