ویسٹ انڈیز کرکٹر شے ہوپ دوبارہ پاکستان آنے کیلئے بے تاب

لاہور (اردو پوائنٹ تازہ ترین اخبار ۔ 27 دسمبر 2021ء ) ویسٹ انڈیز کرکٹ ٹیم کے وکٹ کیپر بلے باز شائی ہوپ پاکستان کا پہلا کامیاب دورہ کرنے کے بعد دوبارہ پاکستان آنے کے منتظر ہیں۔ 28 سالہ شائی ہوپ نے دورہ پاکستان کے حوالے سے ایک پیغام جاری کیا جس میں انہوں نے کہا کہ ’میرا پہلا پاکستان کا دورہ ایک ناقابل فراموش تجربہ ہے، یہ ایک ناخوشگوار بات ہے کہ چیزوں کا اختتام اچھا نہیں ہوا۔

(جاری ہے)

انہوں نے کہا کہ اگر موقع ملتا ہے تو میں یقینی طور پر پاکستان واپسی کا منتظر ہوں، شکریہ پاکستان‘۔ خیال رہے کہ ویسٹ انڈیز کے 6 کھلاڑیوں اور سپورٹ سٹاف میں کورونا وائرس کے کیسز سامنے آنے کے بعد پاکستان اور ویسٹ انڈیز کے درمیان ون ڈے سیریز ملتوی کردی گئی تھی۔ پاکستان اور ویسٹ انڈیز کے درمیان ون ڈے سیریز جون 2022ء تک ملتوی کی گئی ہے۔