بین ڈنک لاہور قلندرز کے پاور ہٹنگ کوچ مقرر

لاہور (اردو پوائنٹ تازہ ترین اخبار ۔ 12 جنوری 2022ء ) لاہور قلندرز نے آسٹریلیا کے پاور ہٹر بین ڈنک کو پاکستان سپر لیگ (پی ایس ایل) کے ساتویں ایڈیشن کے لیے اپنا پاور ہٹنگ کوچ مقرر کر دیا ہے۔ فرنچائز نے اپنے ٹویٹر ہینڈل پر ترقی کا اعلان کرتے ہوئے لکھا کہ ’’بین ڈنک چند میچوں میں فل سالٹ کی جگہ لے رہے ہیں اور وہ ہمارے پاور ہٹنگ کوچ بھی ہوں گے‘‘۔

بین ڈنک فل سالٹ کی جگہ لیں گے جو نیشنل ڈیوٹی کی وجہ سے پہلے چند میچوں کے لیے دستیاب نہیں ہوں گے۔

(جاری ہے)

انگلش بلے باز فروری کے پہلے ہفتے میں ٹیم میں شامل ہوں گے جس کے بعد 34 سالہ بین ڈنک پاور ہٹنگ کوچ کے طور پر کام کریں گے۔ بین ڈنک جو لاہور قلندرز کے لیے میچ ونر رہے ہیں، کو 12 دسمبر 2021ء کو پی ایس ایل 7 کے ڈرافٹ کے پہلے راؤنڈ میں منتخب نہیں کیا گیا تھا تاہم وہ 8 جنوری 2022ء کو سپلیمنٹری ڈرافٹ میں فرنچائز میں واپس آ گئے۔ بائیں ہاتھ کے بلے باز گزشتہ دو سیزن میں لاہور قلندرز کے لیے شاندار فارم میں دکھائی دیئے۔ پی ایس ایل 5 میں ان کی بہترین کارکردگی پر ڈنک کو ’ببل گم‘ آدمی کا خطاب دیا گیا۔