نیپال میں انوکھا ریکارڈ قائم ، 6 گیندوں پر 6 وکٹیں گرگئیں

کھٹمنڈو (اردو پوائنٹ تازہ ترین اخبار ۔ 13 اپریل 2022ء ) نیپال میں پرو کلب ٹی ٹونٹی ٹورنامنٹ میں چھ گیندوں پر چھ کھلاڑی آؤٹ ہونے کا انوکھا ریکارڈ قائم ہوگیا، اس میں ایک رن آئوٹ شامل ہے۔ کرکٹ ویب سائٹ کے مطابق ایم سی کلب کے نے تین وکٹ پر 131 رنز بنا لیے تھے جس کے بعد بعد ڈراما شروع ہوگیا۔ ملائیشیاء الیون کے بائولر ویرندیپ سنگھ کی پہلی گیند پر حریف ٹیم کے بیٹر کیچ ہوئے، اگلے بیٹر رن آئوٹ ہوکر میدان سے گئے۔

(جاری ہے)

اس کے بعد اگلی چار گیندوں پر چار بیٹر آئوٹ ہوگئے جس کا مطلب یہ ہوا کہ ویرندیپ نے ہیٹ ٹرک بھی کی۔ اس سے قبل چھ گیندوں پر چھ وکٹوں کے گرنے کا ایسا صرف ایک کیس سامنے آیا ہے جو 1951ء میں تھامس ہنٹر کپ میں ہوا تھا۔