ڈیل سٹین نے بابر اعظم کو تمام فارمیٹس میں دنیا کا بہترین بلے باز قرار دیدیا

لاہور (اردو پوائنٹ تازہ ترین اخبار ۔ 14 اپریل 2022ء ) جنوبی افریقہ کے باؤلنگ لیجنڈ ڈیل سٹین نے بابر اعظم کو تمام فارمیٹس میں موجودہ کرکٹرز میں بہترین بلے باز قرار دیا۔ ٹوئٹر پر مداحوں کے ساتھ بات چیت کے دوران 38 سالہ ڈیل سٹین نے اپنے ویژن میں دنیا کے ٹاپ بلے باز کا انکشاف کیا۔ اس سوال کا جواب دیتے ہوئے کہ ان کے خیال میں کرکٹ کے تینوں فارمیٹس میں موجودہ بہترین بلے باز کون ہے، جنوبی افریقی فاسٹ بولر نے بابر اعظم کا نام لیا۔

(جاری ہے)

ایک مداح نے ڈیل سٹین سے پوچھا، ’’آپ کی رائے میں اس وقت تمام فارمیٹس میں بہترین بلے باز کون ہے؟‘‘، سابق فاسٹ بولر نے جواب دیتے ہوئے کہا کہ ’’شاید بابر؟ وہ بہت اچھا ہے‘‘۔ پاکستان کے کپتان اس وقت واحد بلے باز ہیں جو تمام فارمیٹس میں ٹاپ 5 میں شامل ہیں۔ بابر اعظم اس وقت ٹی ٹونٹی اور ون ڈے رینکنگ میں ٹاپ پر ہیں جب کہ ٹیسٹ کرکٹ میں وہ 5ویں نمبر پر ہیں۔