انگلینڈ نے ون ڈے انٹرنیشنل میں سب سے زیادہ رنز بنانے کا اپنا ریکارڈ توڑ ڈالا

ایمسٹلوین (اردو پوائنٹ تازہ ترین اخبار ۔ 17 جون 2022ء ) انگلینڈ کرکٹ ٹیم نے ون ڈے انٹرنیشنل میں سب سے زیادہ رنز بنانے کا اپنا ہی ریکارڈ توڑ ڈالا۔ انگلینڈ نے نیدرلینڈ کے خلاف ون ڈے میچ میں چار وکٹوں کے نقصان پر 498 رنز بنائے۔ انگلینڈ کی جانب سے جوز بٹلر نے ناٹ آئوٹ 162، ڈیوڈ مالان نے 125 جب کہ فلپ سالٹ نے 122 رنز سکور کیے تھے۔

(جاری ہے)

لیام لیونگسٹون نے محض 22 گیندوں پر 66 ناٹ آئوٹ رنز سکور کیے ۔ اس سے پہلے بھی رنز کا عالمی ریکارڈ انگلینڈ کے پاس ہی تھا۔ 2018 میں انگلینڈ نے آسٹریلیا کیخلاف 481 رن بنائے تھے۔