بنگلور میں سٹیڈیم کی ٹپکتی چھت کی ویڈیو وائرل، بھارتی بورڈ حکام کو شرمندگی

بنگلور (اردو پوائنٹ تازہ ترین اخبار ۔ 21 جون 2022ء ) سٹیڈیم کی ٹپکتی چھت کی ویڈیو وائرل ہونے پر بھارتی حکام کو شرمندگی کرنا پڑ گیا۔ جنوبی افریقہ سے پانچویں اور آخری ٹونٹی 20 کے موقع پر بنگلور کے ایم چناسوامی میں سٹیڈیم کی ٹپکتی چھت کی تصاویر سامنے آگئیں، اس نے بھارتی بدانتظامی کو عیاں کردیا۔

(جاری ہے)

اتوار کے روز بارش کے سبب محض 3.3 اوورز کا کھیل ہی ممکن ہو پایا تھا، جس کے بعد میچ ختم کر دیا گیا اور یوں سیریز 2-2 سے برابر ہو گئی، بارش سے شائقین کے ارمان بھی ٹھنڈے پڑگئے، ٹکٹ خرید کر گراؤنڈ آنے والے شائقین کو اس وقت زیادہ کوفت ہوئی جب ٹپکتی چھت کی وجہ سے انھیں سٹینڈز میں بیٹھنے میں دشواری کا سامنا رہا۔

اس موقع پر انھوں نے بھارتی کرکٹ بورڈ کے ساتھ ساتھ میزبان ریاستی باڈی کرناٹکا پر بھی غصے کا اظہار کیا۔