فیفا ورلڈ کپ، پولینڈ کی ٹیم ایف 16 جہازوں کی حفاظت میں قطر روانہ

دوحا (اردو پوائنٹ تازہ ترین اخبار ۔ 19 نومبر 2022ء ) قطر فٹبال ورلڈ کپ میں شرکت کے لیے پولینڈ کی ٹیم 2 امریکی ساختہ ایف 16 لڑاکا طیاریوں کی حفاظت میں دوحا روانہ ہوئی۔ پولینڈ کی فٹبال ٹیم قطر ورلڈ کپ میں شرکت کے لیے 2 ایف 16 لڑاکا طیاریوں کی حفاظت میں دوحا روانہ ہوئی، ان طیاریوں نے پولینڈ کی جنوبی سرحد تک نگرانی کی۔

(جاری ہے)

اس حوالے سے جاری ٹویٹ کے ساتھ ایک ویڈیو بھی پوسٹ کی گئی اور آخر میں ’آپ کا شکریہ اور پائلٹوں کو سلام!‘ بھی لکھا دیکھا گیا۔

یاد رہے کہ روس اور یوکرین میں جنگ کے دوران کچھ دن قبل ایک میزائل گرنے سے پولینڈ میں 2 افراد ہلاک ہوئے تھے، ورلڈکپ میں پولش ٹیم کا سفر 22 نومبر کو میکسیکو کیخلاف میچ سے شروع ہوگا۔