شعیب ملک پی ایس ایل 8 میں بدقسمت رہے ہیں : مصباح الحق

لاہور (اردو پوائنٹ تازہ ترین اخبار ۔ 9 مارچ 2023ء ) پاکستان کے سابق کپتان مصباح الحق نے حال ہی میں جاری پاکستان سپر لیگ (پی ایس ایل) سیزن 8 میں کراچی کنگز کے تجربہ کار آل راؤنڈر شعیب ملک کی کارکردگی پر اپنے خیالات کا اظہار کیا۔ ایک مقامی نیوز چینل کو انٹرویو کے دوران، مصباح نے شعیب ملک کی گزشتہ ڈیڑھ سال کے دوران فرنچائز کرکٹ اور پاکستان کے لیے بین الاقوامی میچوں میں مسلسل کارکردگی کی تعریف کی۔

مصباح الحق نے کہا کہ 'فرنچائز کرکٹ ہو یا آخری بار جب شعی ملک پاکستان کے لیے کھیلے، انہوں نے گزشتہ ڈیڑھ سال کے دوران پرفارم کیا ہے'۔ انہوں نے مزید کہا کہ "میں یہ دیکھ کر حیران ہوں کہ وہ پی ایس ایل کے اس سیزن میں اپنی فارم کیش کرنے میں ناکام رہا ہے۔ حالانکہ اس نے جدید دور کی کرکٹ کے مطابق کھیلنا شروع کر دیا ہے اور وہ 140-150 کے اسٹرائیک ریٹ کے ساتھ تیز ہو سکتا ہے، لیکن اس نے اس ایڈیشن میں زیادہ کارکردگی کا مظاہرہ نہیں کیا"۔

(جاری ہے)

انہوں نے کہا کہ "میرے خیال میں شعیب ملک بدقسمت رہا ہے کیونکہ اگر آپ دیکھیں تو اس نے 2 ففٹیز کے ساتھ اچھی شروعات کی لیکن پھر جب بھی وہ میدان میں آئے، کراچی کو 10 سے زیادہ کے رن ریٹ پر رنز درکار تھے۔ میرے خیال میں یہی وجہ ہے کہ وہ ہمیشہ دبائو میں کھیلے۔ " شعیب ملک کی حالیہ اچھی فارم کے باوجود 48 سالہ سابق کپتان نے حیرت کا اظہار کیا کہ وہ پی ایس ایل کے موجودہ ایڈیشن میں اپنی پوری صلاحیت کے مطابق کارکردگی دکھانے میں ناکام رہے ہیں۔

مصباح کے مطابق 41 سالہ شعیب ملک جدید دور کے کے مطابق اچھی طرح ڈھل چکے ہیں اور 140-150 کے اسٹرائیک ریٹ کے ساتھ تیزی سے سکور کرنے کی صلاحیت رکھتے ہیں۔ تاہم، ان کا خیال ہے کہ ملک اس سیزن میں بدقسمت رہے ہیں، کیونکہ وہ اکثر بیٹنگ کے لیے آئے ہیں جب ان کی ٹیم، کراچی کو زیادہ رن ریٹ پر اسکور کرنے کی ضرورت تھی، جس سے وہ دباؤ میں تھے۔ ان چیلنجوں کے باوجود دائیں ہاتھ کے بلے باز نے اب بھی نو میچوں میں 200 رنز بنائے جن میں دو نصف سنچریاں بھی شامل ہیں۔

مصباح الحق کا کہنا تھا کہ "ہر کوئی اپنا جج ہوتا ہے، یہ اس پر منحصر ہے کہ وہ کھیلنا چاہتا ہے یا ریٹائرمنٹ لیتا ہے۔ مجھے لگتا ہے کہ شعیب ملک فٹ ہے اور اپنے کھیل کے لیے پرعزم ہے۔ اگر وہ ایسا سوچتا ہے تو وہ جا کر فرنچائز کرکٹ کھیل سکتا ہے"۔ پی ایس ایل سیزن 8 میں شعیب ملک کی کارکردگی کے بارے میں مصباح کا اندازہ یہ ہے کہ وہ آؤٹ آف فارم کے بجائے بدقسمت رہے ہیں۔