اے بی ڈی ویلیئرز نے بابر اعظم کو ورلڈ کپ کے پسندیدہ کھلاڑیوں میں شامل کر دیا

لاہور (اردو پوائنٹ تازہ ترین اخبار ۔ 4 اکتوبر 2023ء ) جنوبی افریقہ کے سابق کپتان اے بی ڈی ویلیئرز نے بھارت میں ہونے والے 2023ء ون ڈے ورلڈ کپ میں بابر اعظم کو اپنے پسندیدہ بلے بازوں میں سے ایک کے طور پر چنا ہے۔ اپنے یوٹیوب چینل پر بات کرتے ہوئے اے بی ڈی ویلیئرز نے کہا کہ آل فارمیٹ کے کپتان میں غیر معمولی ٹیلنٹ اور مہارت ہے اور وہ پاکستان کے لیے گیم چینجر ثابت ہوں گے۔

سابق کپتان نے مزید کہا کہ دائیں ہاتھ کے کھلاڑی اپنے تجربے کے باعث آئندہ میگا ایونٹ میں سب سے زیادہ رنز بنانے والوں میں شامل ہوں گے۔ مجھے یقین ہے کہ بابر ورلڈ کپ میں بہت زیادہ رنز بنائے گا۔ ڈی ویلیئرز نے کہا کہ ’بابر ایک تجربہ کار بیٹر اور اپنی ٹیم کا رہنما ہے، مجھے یقین ہے کہ وہ ڈیلیور کرے گا‘ ۔

(جاری ہے)

یاد رہے کہ اس سے قبل سابق بھارتی کرکٹر گوتم گمبھیر نے بابر اعظم کی تعریف کرتے ہوئے انہیں موجودہ دور کا عظیم ترین بلے باز قرار دیا۔

آنے والے 2023 ورلڈ کپ میں جدید دور کے عظیم کھلاڑیوں کے بارے میں ایک سوال کے جواب میں، گمبھیر نے کہا، "بابر اعظم ورلڈ کپ کو آگ لگا سکتے ہیں!" اس مہینے کے شروع میں، اے بی ڈی ویلیئرز نے کہا تھا کہ بابر اس وقت پاکستان کی بیٹنگ یونٹ کی ریڑھ کی ہڈی کی حیثیت رکھتا ہے جس کی وجہ ان کی گزشتہ برسوں میں مسلسل کارکردگی ہے۔ 39 سالہ سابق ٹیسٹ کرکٹر نے مزید کہا کہ پاکستان کے سامنے ایک اہم ون ڈے سیزن ہے اور انہیں بابر اعظم کی ورلڈ کپ کے لیے بہترین فارم میں ہونے کی ضرورت ہے۔