ملتان سلطانز پلے آف مرحلے سے باہر ہونے کے دہانے پر

لاہور (اُردو پوائنٹ اخبارتازہ ترین۔ 29 اپریل2025ء) ملتان سلطانز پلے آف مرحلے سے باہر ہونے کے دہانے پر، سلطانز نے کوئٹہ گلیڈی ایٹرز کو انتہائی آسان ہدف دے دیا، رضوان الیون 89 رنز بنا کر پویلین لوٹ گئی، اس میچ میں شکست کی صورت میں ملتان سلطانز پلے آف مرحلے کی دوڑ سے باہر ہو جائے گی۔

(جاری ہے)

تفصیلات کے مطابق پاکستان سپر لیگ 10 کے سلسلے میں لاہور کے قذافی اسٹیڈیم میں ملتان سلطانز اور کوئٹہ گلیڈی ایٹرز کی ٹیمیں آمنے سامنے آئی ہیں۔

پی ایس ایل 10 کے 18 ویں میچ کا ٹاس کوئٹہ گلیڈی ایٹرز نے جیت لیا جس کے بعد گلیڈی ایٹرز کے کپتان سعود شکیل کا لاہور کی وکٹ پر پہلے فیلڈنگ کرنے کا فیصلہ کیا۔ کوئٹہ گلیڈی ایٹرز اب تک 5 میچز میں 3 فتوحات حاصل کر چکی، جبکہ ملتان سلطانز 6 میچز میں اب تک صرف 1 فتح حاصل کر سکی ہے۔