لاہور قلندرز، اسلام آباد یونائیٹڈ کا میچ ماحولیاتی بہتری کے نام منسوب

لاہور (اُردو پوائنٹ اخبارتازہ ترین - این این آئی۔ 01 مئی2025ء)لاہور قلندرز نے پاکستان سپر لیگ (پی ایس ایل) سیزن 10 کا اسلام آباد یونائیٹڈ کے خلاف میچ ماحولیاتی بہتری کے نام منسوب کردیا۔لاہور قلندرز نے میچ سے قبل سبز رنگ کی خصوصی پٹیاں پہنیں، جو ماحولیاتی تحفظ اور پائیدار مستقبل کی آگاہی کیلئے تیار کی گئی ہیں۔

(جاری ہے)

میچ سے قبل ماحولیاتی تحفظ کیلئے خصوصی تقریب کا اہتمام کیا گیا، جس کی مہمان خصوصی سینئر وزیر پنجاب مریم اورنگزیب تھیں۔

اس موقع پر سی ای او لاہور قلندرز عاطف رانا نے کہا کہ ذمے داری ہے اپنے پلیٹ فارم کو مثبت تبدیلی کے لیے استعمال کریں۔انہوں نے کہا کہ ہم ہر فرد کو ماحول کے تحفظ میں اپنا کردار ادا کرنے کی ترغیب دینا چاہتے ہیں، کرکٹ صرف ایک کھیل نہیں مثبت تبدیلی کے لیے ایک طاقتور ذریعہ بھی ہے۔